Baker Talent

營業中

休息中

話說前排番工前去買早餐，經過見到呢間在荃灣沙咀道嘅Baker Talent個門面幾靚仔就入左去買啲野食。鋪頭在荃新天地對面，戴麟趾夫人診所隔離，超級方便。內裹好乾淨企理，而且有好多唔同款式嘅麵包可以選擇，我呢啲選擇困難症患者都揀左好耐先揀得到。粟米吞拿魚包 ($9)呢款粟米吞拿魚包好出色，個包拎到番公司仲是暖嘅，而且入面好多粟米，好甜，另外仲有片生菜添﹗啱晒健康人士﹗同埋吞拿魚嘅份量都唔少，一個字，正﹗D24榴槤菠蘿包 ($15)至於呢個D24榴槤菠蘿包都好正，超香榴槤味，值得一試﹗

呢間新加坡過江龍麵包店，一直都係大胃之母嘅心頭好皆因價格低，但花款多，味道好來自星馬的佢，當然少不了榴槤，見佢新鮮出爐，立馬搶住夾佢，再搵冇咩人嘅地方食咗佢一咬榴連之香湧現，裡面真係有榴榴蓉㗎，好彩周圍冇咩人啫冇諗過佢地會有自家奶茶，近排都興樽仔奶茶，唔知呢間又點呢？一飲茶味夠濃，甜味唔會太過，必買葡撻又係入世未深，咁新鮮，當然要入手。佢塊皮真係好酥脆，咬落嗦嗦聲，超過癮鹹麵包嚟講，大胃好鍾意食芝士條搣開好軟熟，綿起飛起，完全唔似坊間嗰啲乾噌噌斑蘭菠蘿包個色水同菠蘿外衣好難令人無視，又忍唔住夾埋一份芝心包又係好正，仲有檸檬香，冇得輸

今日下午我們行過荃灣沙咀道見到間專賣特色麵包嘅麵包店！所以就吸引咗我們入去買嚟食！我們買咗黑椒腸仔包嘅包質非常軟熟，腸仔唔係平日食開嘅完整一條放入包入面，而係將腸仔切開一片一片放喺包面，賣相都幾精緻同特別，黑椒汁嘅味道相當香辣惹味！D24榴槤菠蘿包嘅菠蘿皮超香甜酥脆，包質相當鬆軟，入面嘅榴槤蓉質感極之軟滑，味道超級香甜濃郁，簡直係齒頰留香，令人想一食再食嘅感覺，真係超正呀！不愧係他們嘅招牌皇牌產品！