Coffee by Zion

營業中

休息中

又黎到西營盤揾食💫😁呢間環境舒適，食物高質👏🏼🍔Deep fried chicken burger🍔⭐️⭐️⭐️⭐️未見過食burger 會咁大塊肉，係用震撼黎形容😂 個sauce 好特別，入口好辣好灼喉嚨，好惹味同重口味～ 整體好好食，但份量極大，男士食都未必食得晒，所以記得開心share 🤓 （想要薯條的，記得額外加配）🥚Egg Benedict crab toast 🥚⭐️小編打算係OpenRice 揾返佢個名，點知發現從來冇人review 食過呢碟🥲個賣相係好好，但成碟唔熱的，蟹肉有怪味，但個Egg Benedict 做得幾好～ 所以係可以叫 egg Benedict 但就唔好叫蟹肉了☕️Black sesame latte ☕️⭐️⭐️⭐️⭐️⭐️非常香濃，必點！🍵Mattcha latte🍵⭐️⭐️⭐️⭐️⭐️整體環境很好，有室外及室內位置，見到好多人都拎電腦/書，一路飲野一路做野，幾chill～而且位置在地鐵站岀口一岀就到，很方便📍 Coffee by Zion (西環)西環西營盤第一街83號地下1號舖

早兩個星期食完一次， 之後一路都心思思想再去， 咁啱有friend吹雞， 即刻到！！！今次緊係叫返個雞burger啦~ Deep Dried Chicken Burger please~~~ 今次我地再叫多個魚， Alaska Codfish Burger~再加多杯Chai Tea Latte隔離飯真係香d, 見到隔離枱有人食egg benedict, 真係好吸引， 我下次嚟食要試呢個！！ (呢餐都未食已經諗定下一餐。。。)個魚burger都唔錯， 有燒菠蘿響入面， 酸酸地， 冇咁漏~ 正 不過我都係鐘意個雞多d, 真係炸得啱啱好， 外脆內軟又juicy, 超級正武漢肺炎快d走啦， 我唔想響街食嘢先除口罩，食完又要拿拿臨戴返個口罩呀。。。

本來諗住呢日休養生息， 但係又為食， 俾人引咗出去食tea. 我之前唔覺呢間鋪嘅存在，比較低調，但係地點好方便， 好易搵到， 入面都幾多位， 我順利入座不過走嗰陣見到有人排隊，好彩我timing啱，唔駛等~我地3 個人， 叫咗兩個burger, 一份all day breakfast. 我份all day breakfast其實好正常， 都好好食， 但係隔離飯香， burger真係好好好好好好好好食呀！！！！deep fried chicken burger, 個炸雞好大塊， 好juicy, 個汁好好味， 成個burger真係好出色，超好食 仲加埋廿蚊轉Bolo & cheese fries, 個肉醬好好味~the hungry beef burger, 一上枱， 都好吸引， 一大隻太陽蛋響塊beef上面， 正到不得了~我下次嚟都會食burger all day breakfast真係比了下去