Reborn Coffee

營業中

休息中

屯門區都好多小店，今次嚟到H.A.N.D.S，好慚愧作為九龍人真係第一次嚟，未試過嚟安定呢邊，見到小店當然要試下。環境比較細間，座位只着數個，但唔好睇店舖細細間，食物種類都唔算少！同時好開心，店舖係我鍾意嘅顏色，望住牆身諗到小店叫Reborn，好有意思。餐牌以為淨係賣咖啡？錯啦，估唔到麻雀雖小但五臟俱全，食物由All day breakfast 到Salad, Burger, Pasta都有得食，唔擔心無選擇。風車漢堡 $68呢款係太陽蛋、芝士、漢堡、蕃茄、薯角、沙律。$68好足料，而且太陽蛋煎得好靚仔，擺盤亦用心，質素正常，如果加返燒烤醬汁會更惹味。蒜香辣椒配帆立貝 $83估唔到份量咁多，原本都怕唔夠飽，但差d都食唔哂，帆立貝有成4粒！意粉用扁意粉，有咬口，蒜香突出所以好香口，不錯。Dirty $40又係嗌Dirty！近來到cafe至愛，做到分層效果，牛奶幼滑配上espresso，真係無得頂。總括而言，非新界人對屯門認識可能得V-City(可能得我係咁)，去到H.A.N.D.S都有好多選擇，特別係小店呢！

叫做reborn o既屋邨coffee shop，從佢o既logo 都隱約都見到鳳凰重生o既意境。鋪頭唔大間，全部由年輕人一腳踢打理，除o左咖啡，由夾多士同沙律呢d 輕食，到意粉同burger 都有得食。店員非常之有禮貌，幾乎同每一個客人都傾過一兩句計，富有人情味。講o左o野食先，呢個All day breakfast 十級推介，$68 (無加一) 咁大份，呢個價錢o係出面一定食唔到，佢另外仲有兩個greenies 同埋加埋smoked salmon 同大啡菇再更加完滿 o既版本。一個餐有住各種食材一次過滿足晒多個願望，而且質素甚佳，紐倫堡腸食落油潤juicy，ham 薄切肉嫩，d 蕃茄仔好甜呀！粟米都係。最surprised o既係d 薯角，佢外層搽o左蜜糖甜甜的，外脆內軟好好食，雖然未去到我出面食d 拔絲蘋果/香蕉咁厚糖，但個口感都有少少似，值得一試，呢個我見佢有得單叫添($40/份)。另外仲試o左個香草白酒雞翼($38/4隻)，精妙在於醬汁，小店都能煮出猶如fine dining 般o既水準！惹味得使人停唔到手。因為係平日幫襯所以做到個優惠，加$15 可換到一杯咖啡，加$20 可

屯門嘅咖啡小店本來就唔多，今次竟然喺友愛安定商場搵到一間工業風嘅Cafe🧐 佢嘅裝修係水泥灰色做主調，再加上黑色啞面金屬門框同埋深色木枱，同平時嘅文青Cafe好唔同～ 不過要留意返座位比較少，同埋位置都幾難搵😂•🥢 All in Breakfast $88朋友將牛油果轉咗做炒蛋，炒蛋好香蛋味，雖然係全熟，但都唔會好老！
薯角甜甜地、脆脆地，有蜜糖味同好香薯味，感覺係新鮮薯仔做🥔而唔係急凍果啲～大菇幾juicy 唔需要好多調味已經好好食～牛角包擺咗一陣都仲脆，牛油味都好香😋黑椒腸同煙三文魚就一般，煙三文仲有啲腥味😬•🥢 Italian Mushroom Sauce w/ Mushroom $68呢個意粉睇落無乜汁，但食落蘑菇味好濃，因為原來佢個醬汁無落cream，但直接將啲蘑菇打成蓉，認真啲睇，有好多蘑菇碎碎包住啲意粉🤩食落仲帶啲紫洋蔥同黑椒香，的確唔錯～鍾意食蘑菇嘅我表示滿意😋•🥢 Dirty $40我比較少飲咖啡，呢杯係朋友飲嘅～佢話其實係一杯凍鮮奶咖啡，上面係熱嘅espresso，下面係凍鮮奶，擺耐咗會慢慢融合～朋友就無攪勻黎飲，咁樣可以飲到冰火口感🤣•
🥢 Chocolate $