Pickabowl (D2 Place ONE)

營業中

休息中

近期大熱夏威夷蓋飯Poke Bowl，主要以海鮮、蛋白質食物、切塊蔬果，以低油低鹽方式烹調🥣低卡高蛋白且營養均衡，夠晒健康🤟🏻位於荔枝角嘅「Pickabowl」正正主打Poke Bowl，蓋飯選擇多到花多眼亂，仲可以DIY自由配搭😍總有一款啱你口味❤️.🍴DIY自選💰$106🔸任揀兩款Protein、一款Veggie、一款Base揀咗「煙燻油辣味三文魚、西班牙蒜油八爪魚、紅菜頭配搭、黃薑花椰菜飯+半糙半飯」💕顏色七彩繽紛，賣相已經令人口水直奔🤤三文魚微辛感增添惹味，八爪魚爽彈鮮味😚紅菜頭配搭中嘅菠蘿，酸甜味道令胃口大增😆額外加$12要埋牛油果，有成半個好滿足🥰加$25可以升級套餐，包鰹魚昆布湯、溫泉蛋、甜品😌溫泉蛋蛋香味濃，撈飯食勁正🤪.🍴慢煮天多利雞💰$79慢煮雞胸+蛋黃組合（菠蘿、青瓜、蟹籽、蛋黃醬）💕切粒雞胸以慢煮方式烹調，肉質好嫩口好😋佐以印度香料汁，微辛好香口😙蛋黃組合雖然有蛋黃醬，但整體感覺都好清新😌.炎炎夏日冇乜胃口的話，整返碗夏威夷蓋飯就啱晒🤓

我地叫嘅係咁，跟住鋪頭將我地2個嘅「肉」撈亂左，我要自己分返開⋯⋯平心而論係好食而且fresh，感覺都健康，不過下次細心d會好好多lo🥲本身好靓一個飯，為了分餸搞一餐

買咗個飯，其實都係得一個，喺呢個下午茶時間工作比較空閒嘅時候居然漏單，就算啲嘢幾好食都好，少咗追加嘅部份，先唔理金錢上嘅損失，而家個心靈損失都好大，食呢個飯就係特登為咗加隻溫泉蛋本身

最近開多咗好多Poke主題食物嘅店鋪，行過荔枝角市集嘅時候，發現呢間人氣夏威夷蓋飯，眼見唔係好多人排隊，就嗌個外賣返去試下。（👆🏻門面👇🏻）我揀咗DIY自選bowl，可以自由配搭，揀咗蛋黃醬配加州三文魚🍣，同泰式魚露陪泰式甜蝦🍤，整體味道香口濃郁，加埋泡菜，口感層豐富，夠哂滿足。（無論係賣相同包裝都好滿意🤤）（環境相👆🏻整體乾淨企理）（參考價錢：DIY自選$90 兩款魚生熟肉+一款配菜+一個底）

DIY自選 $88蒜辣八爪魚係凍嘅 食落特別新鮮彈牙醬汁其實係辣油加超多蒜蓉 啱哂重口味人士！慢煮天多利雞係暖嘅 選用咗雞胸 口感實淨帶少少彈牙因為用咗慢煮方法烹調所以肉質並唔鞋 不過就未到有肉汁天多利醬質地濃稠偏甜 帶好輕微嘅辣 味道好易入口和風組合有四季豆 車厘茄 炸豆腐 玉子燒 烤南瓜同埋菠蘿粒四季豆脆卜卜而且份量多 令整體生色不少不過最大扣分位亦係佢😭入面嘅炸豆腐同埋玉子燒實在太鹹 真係鹹到要吐翻出嚟。糙米飯煙韌乾爽有咬口 黃薑味道本來就唔重所以食唔出都好正常但好欣賞佢哋嘅椰菜花切得好碎 同飯粒以假亂真

每次行過見到咁色彩繽紛既魚生飯都覺得好吸引好健康，今日LUNCH終於一試～LUNCH HOUR 繁忙時間堂食都唔算好多人，可能因為外賣有折，抵好多！同友人點左兩個DIY自選，點知店員將我地兩個揀既 BASE 調轉左 .. 費是麻煩，所以照食了⋯都幾失望，其實都係照單夾材料，理應都唔會點出錯⋯建議下次都係分開單叫，應該唔會再搞錯！味道都過得去，魚生都算新鮮，加左醬汁都算鮮味～性價比一般，Lunch黎講都唔算平，野飲要另外加錢，堂食有水可以自己斟，還好份量都好夠飽！