E FOR EGG

營業中

休息中

之前試過專程去大圍食，原來而家堅尼地城都有得食，仲有好多位！❣️室內木系裝修，清新舒服，仲有榻榻米座位❣️個人推介吐司同甜品，厚厚蛋香超滿足！甜品賣相精緻又吸引🍞金沙軟殼蟹三文魚子海鮮沙律盒子吐司$108- 滿瀉炒蛋厚厚的好吸引，配上海鮮沙律夠滋味，軟殼蟹水準都唔錯，多肉多膏，夾上外脆內軟嫩麵包，好🈵足！- 配菜仲有芝士年糕同沙律🥗🍞黃金鳳梨吉列大蝦滑蛋盒子吐司$103- 炸蝦大大隻，夾上蛋同菠蘿，幾豐富 另外仲有幾款share plate可以點，水準都唔錯，不過當然係吐司同甜品最出色！✨雞翼拼盤（餃子雞翼&芝麻雞翼）$58✨小食拼盤（日式芝士年糕&酥炸雞軟骨）$58🐔千島醬紫蘇雞肉丸串$58 個人都幾鍾意餃子雞翼，外皮脆入面多肉🧇e for egg芝士奶蓋招牌窩夫 $88- 外層奶蓋蛋造型超可愛，好特別地入面攝左糯米磁，甜度適中，口感好cream香，窩夫夠脆🍰開心果巴斯克芝士蛋糕$62- texture 夠rich又滑身，仲有開心果粒粒☕️招牌奶蓋咖啡$48- 咖啡夠濃，上面奶蓋係decorate到蛋咁好精緻，加上淡淡酒香，咖啡味更突出🍋西西里檸檬岩鹽氣泡水$42- 勁酸好fresh滿滿檸

呢間超人氣嘅蛋料理專門店喺西環插旗啦😍 之前打算幫襯大圍總店㗎啦，不過需要等位就放棄咗，呢次同兩個友人經過西環見到呢間cafe就當然唔可以再錯過啦，就入咗去朝聖吓🥳 店員安排咗我哋坐榻榻米座位，夠晒chill 。滑蛋盒子吐司呢個係餐廳嘅人氣之選，基本上見到每檯都有叫到一份嚟食，話晒係喺蛋專門店入面嘅滑蛋吐司，梗係要食啦😚♦️金沙軟殼蟹三文魚籽海鮮沙律盒子吐司呢個擺盤已經好有氣勢，大大隻軟殼蟹企喺吐司頂，軟殼蟹咬開仲有蟹膏㗎，加埋少少三文魚籽嘅鮮味，仲有滑蛋入面溝咗啲章魚粒加蛋口感，真係啖啖滿足😌♦️雙重三文魚芝士滑蛋盒子吐司吐司上面放煙三文魚同滑蛋基本上係不敗嘅組合，呢個同樣有三文魚籽，呢個就比較食到滑蛋嘅味道 。小食拼盤拼盤係日式芝士年糕拼酥炸雞軟骨，芝士年糕好軟熟，入面仲有芝士軟心，雞軟骨就好香脆🤭甜品呢間cafe嘅甜品係最吸引我嘅地方，我哋三個人就一人叫咗一份share嚟食🫣♦️E FOR EGG芝士奶蓋招牌窩夫呢個係cafe嘅招牌甜品，兩件蛋香鬆化嘅窩夫上面有芝士奶蓋，仲要有蛋造型嘅奶蓋做點綴，食落鹹鹹甜甜，賣相超啱打卡🧇 兩件窩夫中間都有驚喜，有粒雪米糍㗎 。♦️栗子蒙布朗窩夫呢個同

- 西環｜E FOR EGG -▪️雙重三文魚芝士滑蛋盒子吐司🐟🧀🥚🍞盒子吐司烘到酥脆，充滿牛油香。中間有滿滿嘅芝士同滑蛋，再喺面頭放上煙三文魚同三文魚籽，好有層次▪️蒲燒鰻魚定食🐟🍱鰻魚肉質細嫩，冇骨，大大啖食都唔怕。定食仲配埋泡菜、蛋絲🥚、沙律🥗、白飯🍚同湯🥣，夠晒豐富▪️七味唐揚炸雞湯拉麵🐔🍜炸雞都幾大件，炸得香脆，又有肉汁。拉麵幼身，食落彈牙，面頭仲有鳴門卷、昆布、蛋絲等▪️甜蝦三文魚籽茶漬丼🦐🍵🍚甜蝦份量都唔少，加埋三文魚籽，鮮味十足。飯面有蛋絲🥚、紫菜絲、飯素、脆米，淋上熱茶，帶有淡淡嘅茶香▪️千島醬紫蘇雞肉丸串🐔雞肉丸有3串，幾有咬口，配上千島醬更加惹味，而紫蘇就增添咗香氣▪️E FOR EGG芝士奶蓋招牌窩夫🧀🥛🧇造型非常可愛😍窩夫鬆脆，俾超級多芝士奶蓋包圍住，味道鹹鹹甜甜，中間仲有粒煙煙韌韌嘅雪米糍，多重口感▪️栗子蒙布朗窩夫🌰🧇Mont Blanc配上窩夫，幾特別。外層圍滿咗幼滑綿密嘅栗子蓉，入面仲有啲栗子粒，幾香甜，又唔會膩▪️桂花香梨茶🍵味道清香，有滋潤嘅感覺▪️招牌奶蓋咖啡🥛☕️咖啡加咗Baileys，咖啡味同酒味平衡▪️竹炭黑芝麻咖啡☕️黑芝麻味夠出，每啖都充滿黑芝麻香▪️開心果特調