Cafe YAWN (已結業)

在銅鑼灣等肥髀，未食早餐，就揀呢間咖啡店食個bunch,在銅鑼灣一條橫街，呢條橫街本來以車房為主，近期就進駐了一啲食店入內地方唔大，一眼見晒，裝修型格，水泥地加木桌子，金屬椅子，食物款式唔多，以意粉麵包類為主！餐牌用粉筆寫在黑板上！我想食意粉！先去櫃檯落單比錢，店員會上菜！我揀咗向街一角嘅高櫈位，因為店內兩張矮桌都比人坐了！白汁蟹肉意粉（$88）幾特別用個迷你鐵平底鑊上菜，所以意粉熱辣辣，賣相幾靚，一入眼見到啲仿蟹柳絲，心唸唔係蟹柳當蟹肉嘛？好在再細心睇，意粉沾滿蟹肉絲，蟹肉雖然多，不過比較乾，意粉有咬口！中間灑了黑椒碎，微辣香口，不過要趁熱食，一放涼就少許腥！兼啲油糊了！Flat white($38)：黃色瓦杯好醒神，不過較細杯，有心心拉花，咖啡咖會澀，香濃易入口！店員會問埋要唔要糖，微甜好味！店員有禮，對答有笑容，我食完唔會趕客，我攞咗wifi上網等到夠鐘先走！好舒服！

星期六晚好姊妹生日，佢男朋友因同CAFE 老闆係好朋友，所以我地30個人就包左個場搞Party。我之前冇泥過呢到，但係本身都鍾意咖啡，去到邊都會"cafe hunting"，所以早左少少到，飲酒前飲下咖啡先我叫左個Flat White, 一泥到見個奶打得好滑就忍唔住飲左，之後先記得影相 (雖然張相肉酸D) 我覺得個Espresso base 好重果仁味, 加埋奶非常之甜，完全唔洗加糖。本身想再Encore 多杯，之後老闆過泥傾計，佢大力推薦我試affogato, 仲話只係會推介比真心鍾意飲啡既客，咁就試下啦一泥到見到有疑似coffee jelly 已經好想食! 先食左一粒jelly, 老闆話係用番佢地個blend 整既，有啡味又唔太甜，仲有果酸aftertaste。將個espresso 淋落去之後雪糕就開始慢慢溶，jelly, 咖啡，雪糕，再加上底層既dark chocolate brownie (仲要有walnut)，每一啖都好滿足!!! 忍唔住問老細 "整咁多野唔會好煩咩"，佢話"就算冇人欣賞，起碼自己鍾意食ma!" 之後朋友都差唔多到曬，其實係呢到搞party 好抵，有精緻fin