La Cabane Wine Bistro

營業中

休息中

星期六，同girlfriends食完飯後時間尚早，友人提議去La Cabane飲嘢、食西多。我諗，西多有幾特別呀？去到門口，裝修好靚，又中又西嘅感覺。侍應好快俾咗個角落位我地，特別之處係其中一邊嘅椅子係韆鞦，一邊傾計一邊搖幾有feel~ 再仔細望D裝修真係好靚，紅磚牆、木＆鐵凳，感覺到店主有用心設計過！等咗大約20-30分鐘，傳說中嘅西多終於上枱啦～～ 個樣雖然燶燶地，但個presentation都唔錯。味道無想像中甜，所以食多幾舊都得。朋友話上次食無咁soggy，可能因為今次syrup落多咗...我第一次食所以無得比較，但認為都接受到，但無syrup嗰塊包明顯係脆D...或者可以試下syrup另上，咁會keep住D脆？總括來講，都係一個好嘅experience、好享受嘅一晚。靚裝修、侍應friendly、價錢合理，repeat值非常高！而家都有D掛住個西多tim... 

放假日子總係鐘意食甜品, 唔洗好似返工咁係lunch hour趕住食, 食嘢都輕鬆啲好 , 雖然啱啱先同友人食完午餐仲有啲飽, 但一提到呢間餐廳嘅French Toast, 點都要試下啦 輕鬆嘅酒吧環境, 主要用木材裝飾, 好溫暖嘅感覺, 洗手間嘅牆身係黑板黎, 提供唔同顏色嘅粉筆比客人畫畫, 我都留咗名架haha  有趣得黎又可以俾啲客人互動吓  French Toast $80 (4/5)第一啖食落好似燒溶咗嘅香蕉質感, 蛋味好香, 煎完嘅感覺都唔會好油膩, 焦糖算厚都好脆, 究竟係點做到?   唯一失望嘅地方係上面幾粒櫻桃無乜特別醃過, 整體嚟講都唔錯! 因為新鮮製作, 所以需時15分鐘, 借住呢段時間同老板傾下偈學幾句法文先 平均消費$40 2個人share #mohkcfood50below推介此餐廳 4/5 淨係食French Toast都唔錯La Cabane Wine Bistro星期一至六: 12:00-02:00**星期日休息**中環荷李活道 62 號地下Tel: 2776 6070係中環公利蔗汁隔離, 一路行過黎可以欣賞下附近嘅graffiti