The BASE nature (已結業)

今朝去荃灣搞啲嘢，冇食嘢餓到暈搵到呢間係荃新天地角落嘅cafe，好啱休閒食嘢休息下。餐牌吸引多選擇Full day breakfast $118-非常豐富呀！有平常都有嘅腸、薯餅、煙肉、溫泉蛋、大啡菇等等。特別嘅有牛角包同芝士脆條，牛角包仲係暖暖地，外面好香脆，內裡都好鬆軟。芝士脆條亦唔錯，做到拉絲效果溫泉蛋放係大啡菇上，切嘅時候啲蛋汁唔會嘥，流曬係大啡菇度，一齊食感覺好有營養呀！冇加一仲送嘢飲，又可以慢慢坐，好抵！

星期日同媽子荃新天地行街，找個地方醫醫肚。行經馬莎見到the Base Nature，整個裝潢都好吸引，以大自然環境做主題，木系餐桌坐椅，啞色餐具，Green wall做埋餐廳招牌，好eye catching。時間尚早，好快被安排入座，每卡坐位上有已準備detox水，好正，好fresh 感覺。熱愛all day breakfast 的我，想也不也就order佢地Full day breakfast($108)。配有十多種款式，款款味道新鮮，當中炸素蟹餅、63度溫泉蛋及自家食西柚沙田柚沙律最為欣賞。炸物唔油膩，西柚汁又唔會酸，味道剛好！Brunch Menu 配有餐飲，另加$5配一杯雲呢拿Latte，好靚的拉花，Latta調得好好味，唔會被vanilla 搶走味。

The Base Nature - 格局裝潢均充滿田園氣色，有綠水植物/Feature Wall 搭配木色餐桌，令人舒服感覺。店員服務細心周到，說話有禮。Brunch Menu 選擇簡而精，價錢合理。Full day breakfast餐廳食物新鮮，而且即叫即整，上菜時食物仍然熱哄哄。素食蟹餅-外表炸到少少脆，內裡爽口，味道香，咬落口都食唔出係素食物。蘑菇 菠菜 溫泉蛋-三樣層層疊在一起，溫泉蛋黃流落菠菜&蘑菇，一齊食味道滋味。沙律係西柚沙田柚沙律，第一次嚐試呢種味道，出奇地唔會太酸，當食完炸薯餅再食沙律，中和油炸味，強烈推介。另外，肉類都新鮮，火腿、煙肉、雞肉腸及豬肉腸 都好好味。多士燒到少少脆，但內裡仍軟淋淋，另外仲有牛角包選擇。Menu配餐飲，叫左杯有機薄荷茶，舒緩氣管。