德國餐廳 (已搬遷) 新店位置

我本人非常歡喜到舊區亂逛, 再發掘一些小店鋪尋找美食, 今次適逄去到大角咀。 與友人第一次來到這間位於大角咀其中一間很有情調的德國餐廳, 小小的店鋪內座位不算太多, 另外還有一個BAR檯, 適合與朋友閒時到來一同"飲番杯"。 牆上有些掛畫幾得意幾靚, 其中一幅Beatles掛畫我本人好歡喜, 因為真是好靚。我同朋友叫了一份西班牙風乾火腿凱撒沙律, 沙律菜幾新鮮, 再配上沙律醋酸酸地夠晒開胃! 然後再將風乾火腿一同放入口中, 咸咸香香的味道充斥著口腔。 不得不提佢仲有些少芝士粉在面頭, 更加帶出火腿的味道。 好味! 因為我地去果陣佢都是剛剛開張, 所以酒類選擇都唔算太多。 我叫了一杯Furstenberg Lager, 味道濃厚的生啤, 比起平時飲開的Hoegaarden少了些果酸, 苦澀些, 最適合男士們飲用。酒類的價錢有時段分別, 9PM前Happy Hour 每杯$58, 9PM後每杯 $70。之後再叫了一份Grill Lamb Rack, 呢份烤羊架唔講得笑, 一上枱已經嗅到非常香的羊味。 一份有三塊, 每塊都有手掌咁大塊! 事不宜遲, 即刻就拎刀叉開動! 一切落去已經覺得唔

好耐冇同女友出街食飯，選間靚靚地既餐廳浪漫下好鍾意呢張POSTER！真係好德國FEEL仲記得係德國超市見到啤酒係平過水 真係好AMAZING點左美式RIBS 大大份 好易切 好香 個SAUCE 甜甜地 好易入口 可以睇到 唔會烤到乾哂 每食一啖都會有肉汁流出黎 好JUICY薯條都不能不提 熱辣辣 厚切SIZE 似係新鮮炸既 我地最後食到一滴不剩 啤酒就點左Furstenberg Lager 香香的麥芽味 亦很易入口唔覺唔覺就好快飲哂成杯

店鋪門面 - 好大杯"啤酒"o係門口,一定唔會搵唔到~店內環境 - 牆上擺設有好特色,特別係中間句說話餐牌- 價錢其實比其他德國餐廳略平少少~一黎到緊係叫啤酒飲~呢度d啤酒唔貴,最緊要係用返各自品牌o既杯,飲起都開心d~雖然話價錢比其他德國餐廳略平少少,但其實食物質素好過其實好多~!德國咸豬手配酸菜及薯仔沙津 - 個豬皮脆得黎唔硬,入口好似食薯片咁,d肉都好juicy,雖然係有焗到,但完全搵唔到over 左o既地方!第一次食到咁完美o既咸豬手! 不得不提係佢個自製honey mustard,超好食,本身佢得一小碟,我地特登問可唔可以俾多d因為點得太多太快~個侍應都好好人俾多兩碟我地~德國香腸拼盤 - 德國餐廳必食之選!薯角炸得岩岩好,香脆內嫩, d香腸亦到好有少準,下次應該叫盤大d o既~如果平時覺得德國餐廳o既酸菜太酸o既朋友,呢度o既就好岩你,因為佢係比出面o既酸菜略為冇咁酸,易左入口~