Smile Yogurt & Dessert Bar (已搬遷) 新店位置

今次食咗呢個 Golden Smile $70食落個 yogurt 係滑既，奶味濃度適中，正合我既口味。不過配料較小，d菠蘿醬都係得d d。如果大方小小，多d醬同配料，味道會大大上升！而塊菠蘿乾，超薄，有好又唔好，食既時候會好易入到口，但變左菠蘿味唔出。整體味道一般，冇咩驚喜。覺得比較甜。不過要讚既係，佢既賣相幾特別。淨睇賣相真係會令人覺得很吸引。可能因為呢到租金貴，所以d物價都會貴d掛。如果平小小, 50蚊一杯既話，會符合返現實多d.

天氣悶熱，行過K11忍唔住走咗去買乳酪雪糕要降降溫。GOLDEN SMILE (HKD72) 72蚊一杯甜品其實都唔平，可以食到兩餐茶餐呀 ，不過無乜幾可，豪一豪杯乳酪金金黄黄好SHARP，塊菠蘿薄脆好似好正咁菠蘿薄脆烘得乾乾，好好味，不過粒士多啤梨就超酸一D都唔甜又無乜士多啤梨味面層仲有好多新鮮芒果肉粒~ 正原味乳酪雪糕都唧好夠, 又夠凍， 滿滿的 ! 杯內有RASPBERRY啫喱又有餅碎仲有唔知咩既布甸(都幾酸下)食完成個人醒晒 !

After dinner, 有兩個胃嘅我地就去搵甜品食，之前一直都想試呢間，咁啱附近又有分店😁我地揀咗以下呢三款😊 總括黎講，作為飯後甜品嘅話份量好似有d多，兩個人食一杯會比較好😅

經過親K11都會心癢癢去食乳酪..... 今次揀了GOLDEN SMILE Golden Smile個名好貼切, 金黃閃閃, 見到都會開心笑!杯內有餅碎、 軟滑既原味乳酪、紅桑子啫喱, 面層放了芒果肉同淋咗芒果漿；不過, 芒果肉不是圍晒一圓周，係得正面咋   似乎"姑寒"咗少少囉......乳酪頂頂既裝飾放了一片薄薄而烘乾既菠蘿片同金光閃閃又紅卜卜嘅士多啤梨，菠蘿片又香又甜又有點脆 , 金紅士多啤梨夠紅又香又甜吃罷很滿足Happy Friday !