JK Kitchen (已結業)

尋晚約左位好姐妹放工後去銅鑼灣食飯，因為想坐得舒舒服服傾下計，又想食下東南亞菜式，於是去openrice 發掘下好餐廳，見JK Kitchen 嘅評分都幾高，就決定訂枱試下餐廳位置都幾易搵，係Times Square 附近的樓上舖，雖然舖面唔算好大，但感覺好令人舒適悠閒，幾有少女感覺，等位嘅地方有幾扇裝飾窗，可以影相呃like 餐廳安排左個卡位俾我地，座位好闊，兩個人可以有私人空間傾下計，坐得好舒服😌，而店內牆上都掛左不同嘅越南油畫及裝飾，加添主題特色我地7點前已經入座，暫時唔算好多客，環境靜靜地，店員好有禮貌地為我地遞上餐牌，介紹一下餐廳嘅菜式，我亦見門外有一塊黑板寫上廚師推介我地嚟之前睇過網上多數人都讚蕃茄蟹肉湯檬好味，就即刻決定點呢樣，另外再加一個JK炸拼，可以包羅萬有試多種小食，每人再點左一杯飲品食物好快送到，首先有最期待嘅蕃茄蟹肉湯檬，材料好豐富，除左成碗檬粉都有蟹肉外，仲有蟹肉丸同札肉，蕃茄味十足，不過我覺得湯底有少少過鹹，如果清淡D就完美喇再嚟就係JK炸拼，小食款式有春卷、牛油雞翼、魚餅、蔗蝦及薯仔絲蝦，每款有兩件，最適合朋友一起齊分享，另外拼盤有兩款醬汁可以俾大家自由選

銅鑼灣嘅永光中心有好多特色餐廳，而JK Kitchen就係其中一間，聽個名可能唔知原來係食越南菜嘅。餐廳環境舒適，牆身掛滿越南嘅風土畫，仲有部大電視，唔洗驚食食下覺得悶。侍應招呼周到又親切，黎依度食野有種家嘅感覺~首先叫咗廚師推介嘅JK炸拼($115)，有春卷、牛油雞翼、魚餅、蔗蝦、薯仔絲蝦，每款2件。春卷皮薄餡靚，食得出落足好多材料黎包。蔗蝦係用蔗黎整條棒，蝦打得好實，爽口彈牙。薯仔絲蝦由香脆嘅薯仔絲包住大大舊蝦，外脆內軟。食越南野就一定要食湯檬或者撈檬，所以仲叫咗精選生熟牛肉湯檬($78)。生牛肉係薄肥牛，上菜嘅時候係見到紅紅地嘅，一浸落湯到就熟哂，可以睇得出係超薄。熟牛肉係厚身啲嘅。兩款牛肉都好重牛肉味，又軟又入味。最後送咗甜品大菜糕，上面淋咗花奶，而入面嘅蛋花好有紋理，係好有特色嘅大菜糕。而晚市每位顧客嘅首杯飲品係半價，我地就叫咗珍珠奶茶同青檸梳打。