龍島 (奧海城二期)

營業中

休息中

剛剛用過午餐，點嫌爭咗少少，故找一處可以嘆一陣咖啡，路過龍島cafe，不用等位，講得清楚d,應該話當時店內無客人毫不猶豫地走進店內。先在收銀機落order,店員稍後會送上食物。60%朱古力軟心蛋糕不太甜、濃郁的朱古力，不是朱古力控的我都喜歡。雖然名字叫軟心，但質地比起海綿蛋糕稍實一點。好味！如果細食的或習慣食得清淡的，可以跟朋友share一件切餅。熱Latte味道不錯，岩我口味！質素OK啦！是日轉用燕麥奶，另外加$6。環境不錯！由於我入店是下午二時多，沒有客人，我選坐在落地玻璃窗旁邊，可望室外，亦很光猛。之後陸續有人光顧，但不算很多人，對我想找片安靜地方休息半小時，這𥚃是不錯之選店員有禮貌，耐心回答客人的問題

今日帶媽媽去 ❥⧽ Lucullus Cacao ❥⧽食tea, 做港女打卡! 整間餐廳都係粉紅色, 充滿少女感覺, 落地大玻璃令到餐廳更有空間感, 環境好舒適。𓊈蟹肉牛油果酸種麵包吐司 $𝟷𝟶𝟾𓊉吐司賣相好精美, 最頂層有隻溫泉蛋, 篤穿隻溫泉蛋, 望住d 蛋汁慢慢流落去真係好治癒, 下面有滿滿嘅蟹肉同埋好香濃嘅牛油果醬, 口感好豐富, 加咗蕃茄同青瓜嘅牛油果醬比較清新, 同2 塊薄薄嘅酸種麵包真係好夾。𓊈 CACAO 招牌酥皮窩夫 ✧ 柚子焦糖布丁 $𝟿𝟾𓊉招牌窩夫好特別, 係酥皮嚟㗎, 充滿牛油香氣, 同平時窩夫嘅口感好唔同。面層嘅柚子焦糖布丁唔算太甜, 有陣陣柚子香, 連埋雪糕同可可豆碎一齊食, 好特別。𓊈 CACAO Cola $𝟺𝟾𓊉見到呢杯 Cola 話裡面有可可果提取物, 覺得好新奇所以就試吓, 飲落有檸檬同蜂蜜香氣, 感覺幾清新。𓊈 Latte $𝟹𝟻𓊉咖啡味道香濃, 牛奶份量適中, 口感順滑。