CHOO CHOO (已結業)

今日放假，和一個女仔朋友約了下午茶！因為晚上要回家吃飯不能吃太飽，所以我和朋友都打算找小店吃個下午茶！最終Openrice見到這間餐廳有個很吸引的沙律！Lunch set 12:00-15:00 ! 餐廳裝修很有特色，放了大致四部大電視在旁邊，一直播放着日本的風景，營造了一個在日本火車上吃飯的感覺！芥末籽燒雞牛油果沙律配糖心蛋 - 賣相很吸引，份量亦都相當大！燒雞肉很Juicy，沙律的芝麻醬非常出色！套餐本身包飲品，只限檸檬茶奶茶！我和朋友另外加了$12 轉做LATTE !總括雖然小店位置比較少，但那個沙律真的非常吸引我！

這間位於長沙灣的CHOO CHOO其實並非新發現，曾經在網上看過不少報導，提及其別樹一幟的火車及旅遊主題，但若非在附近上班或居住的話大概亦甚少會踏足長沙灣一帶。早前因為朋友在訂位手機應用程式上看到午後用餐會有半價優惠，便抱著一試無妨的心態趁有空閒時間與朋友到此共進午餐。餐牌設計別出心裁，彷彿是在閱覽一本遊記一樣，充滿動人的各國照片。除了單點菜式外亦有提供午市套餐，價格相宜，於是便各點了一份互相分享。南美香辣青檸檬豬腩 ($88)以鑊仔呈上保持熱騰騰的狀態，旁邊配上一條燒粟米配千島醬，味道香甜亦保留水份。豬腩肉粒軟腍鬆化得入口即化，口感豐腴但完全無肥騰騰嘅油膩感，配上甜中帶辣嘅醬同青檸汁更加清新，沒有飽滯感，吃罷完全不覺肥膩的豬腩肉實屬難得。刺破溫泉蛋並將蛋黃與豬腩肉粒混合，更加能令口感更加濃稠豐腴。日式咖哩蛋包飯配漢堡 ($88)旋風蛋飯早前於香港掀起過一陣短暫熱潮，想不到這裡的蛋包飯正是以旋風蛋作蛋皮，蛋皮有適當厚度之餘亦甚為嫩滑；咖哩汁亦非一般日式甜咖哩，具辛辣感而且相對濃稠。底下的一塊自家製漢堡以豬肉和牛肉混合而成，厚度足足一吋，肉質結實並富肉汁；飯量更是目測有整整兩碗飯之多，相

長沙灣★CHOO CHOO聞名不如見面，適逄五一勞動節，手停口不停原來由長沙灣站行過黎都有番咁上下距離（C2出口出左行10-15分鐘左右啦），人生路不熟都要靠google map幫幫手～不過離遠好易就spot out到餐廳好sharp醒既橙色門面book左一點半，早到左都要係門口等下先啦車廂已爆滿。等候期間起碼有3-4個group黎想拎位，可惜原來下一張枱已經係要2點先有，好彩醒番次搭車途中打左黎book位咋！所以各位想上車既吃貨，記住記住記住，book位book位book位雖然行車期間車門關閉睇唔到內在環境，不過門口都貫徹主題有一兩個行李箱，可以留下倩影或者望下餐牌揀定食咩大餐好等到點半左右就順利登車，原來車廂真係比較狹少，大概只容納到20位乘客。入面既裝潢真係十足十火車車廂，有gimmick得黎好有心思。尤其係果一個個模仿車窗既大屏幕，一直播住店主們去旅行時特登係火車上面拍低既窗外風景連窗簾、行李架都有埋，真係好似去左一趟短暫而快樂既火車旅行。（好難得等到客人都走晒先影到）抬頭時都不忘提下你，宜家身處CHOO CHOO號之中（其實choo choo係代表火車行走時既聲音）。開餐時間

最近，其中一個表姨甥女搬咗屋，其實喺長沙灣搬去長沙灣，只不過街頭去咗街尾，乘機賀佢喬遷兼聚一聚講吓近況，所以，呃番一餐飯食。Choo Choo話就話地址晌順寧道，查實鋪面開晌轉角嘅昌華街。好彩，事前表姪女話搭咗棚嗰間，所以，一轉角就見到。一離開青山道，入到內街就好靜，不過，估唔到入到店內卻有唔少客喎，其實，Choo Choo屬小店經營，全場都喺得25個位，都幾易爆，所以，有心嚟嘅話，最好訂定位就穩陣啲。“Choo Choo”就喺蒸汽火車起動時所發出嘅嗚嗚聲，所以，你就會發覺全店就喺以蒸汽火車為主題，兩旁嘅電視屏幕營造出窗外嘅風景（事後先知喺店主旅行時所拍），而「車窗」更架設幕簾、行李架，甚至大件、細件行李在其上，絕對一絲不苟扮得似模似樣，加點幻想讓人猶如置身火車中用餐。就連上到二樓嘅洗手間都有掛起啲旅行地圖，洗手盆之上都加插一張黑白嘅世界地圖。是晚仍然天寒地凍，但一坐低店員就送上兩杯熱水，實在窩心。枱上「布拉格」小蠟燭杯，精緻美麗，柔柔燭光更添幾火暖意。餐牌共有兩頁，好似無咗晚餐供應，因為嚟之前睇過其他人嘅食評做參考。此外，餐牌以食材嚟分類from the Land、from the