Dear Coffee & Bakery

營業中

休息中

踩開單車，路過大圍又黎望一望呢間Cafe先，上次黎佢好快就賣哂啲招牌Bagel，今次終於都有喇，門口裝修雅緻，入內環境氣氛都一致，比到我舒服既感覺，尤其係佢既良心擺設同服務，好明顯所有餐具同裝修都有花心思諗過，靜靜地坐低，漫活人生！宇治抹茶乳酪日草莓夾心貝果$50一啖咬落去，抹茶味充滿住個包既每一口，用乳酪同草莓加埋做貝果個感覺幾清新，同時軟硬度適中，雖然細細個，但下午茶自己食一個都唔會覺餓小麥貝果配開心果乳酪$45拿，個開心果乳酪真係好好好出色，至於個貝果自己本身就普通啦，不過撈左個乳酪成件事即刻升華去左另一個點Latte$40簡簡單單一杯Latte，聽下歌，夠滑又唔會太過Cover左啲咖啡味，整體唔錯

此咖啡店而家搬咗去雲疊花園商場，不再是那麼近地鐵站，由之前的8-10個座位到而家有30個座位，埸地真係大咗好多。餐牌上面是主供飲品和包包，多咗好多種飲品，麵包款都多咗好多，有些口味固定咗會長期出，其他就係期間限定。 不過沒有了All Day Breakfast 和其他要炒或煎熱嘅食物嚕。百香果青提夾心烏巴茶貝果 (HK$35)．凍食，只有半邊，不過食完會好飽，因為餡料又厚又多．用巴茶，錫蘭紅茶一種，做貝果包．中間夾心有厚厚一層烏巴紅茶乳酪 (獨特的紅茶味) 和厚厚一層百香果乳酪 (微酸有籽)，2層乳酪之間仲有3粒半粒的清甜皮薄香印青提子，口感好豐富有層次感伯爵茶草莓麻糬貝果 (HK$45)．伯爵茶味香濃的貝果，皮脆內軟，中間有滿溢出來的麻糬和酸甜的草莓哈囉南瓜乳酪軟包 (HK$40)．萬聖節限定．週日早上11點左右去到見唔到呢款，以為賣晒，點知11:45左右見到焗爐裡在烤焗緊，真係新鮮出爐！不過之後有人dm我話1點去到呢款已經賣晒啦，真係要早點來等。．我外賣咗2個，不過見熱辣辣的，忍唔住現場切開食咗半個😝，南瓜包軟腍，裡面有爆餡的忌廉芝士和南瓜蓉呀～月見焙茶奶酥貝果 (HK$45)．萬