CHOO CHOO (已結業)

長沙灣一帶一向多美食，今次去咗朋友推薦嘅西餐廳choo choo。 店面用咗地圖嘅形狀作為裝修，滿足旅行嘅feel，門外仲放咗好多個好有復古feel嘅喼，身為一個鍾意去旅行嘅人真係非常鍾意呢間小店嘅concept入到店裏面，店員馬上就向我地解釋餐廳嘅concept，店入面播緊嘅片仲係餐廳老闆親自係日本拍，menu嘅設計亦都好有心思，未食嘢之前已經加哂分啦！旅行主題既地方我同朋友叫咗白酒蜆同黑墨魚筒西班牙海鮮飯，白酒蜆有好鮮味，而且d蜆難得地一粒沙都冇，真係食極都唔夠！西班牙海鮮飯嘅飯粒粒分別，有少少辣，非常惹味，而裏面嘅海鮮全部都好新鮮，分別有青口，墨魚，蝦同煎魚。一餐飯嘅最後當然要係甜品啦！我同朋友叫咗餐廳最出名嘅甜品L.I.K，佢係一個frozen cream cheese波波包住野莓醬，入面仲有d朱古力脆脆，係個波波下面有個野莓musse，所有嘢配埋一齊食真係好夾，唔會太甜太酸或者太膩好舒服呢！

午市同晚市都好食,裝修成車箱, 不斷有風景片播,黑松露蜆飯的蜆好新鮮｡本身覺得三文魚煮熟唔好食,點知佢呢個慢煮的方式,半生熟的挪威三文魚咸味,再有少少酸, 易切, 好味自家製甜品更特別及好味,莓味的酸+芝士雪糕+脆脆,不枉我帶男朋友黎慶祝生日,唔算好貴