影片
更多
2010-12-22
98 瀏覽
年度第二餐大局，上次食完日本野大倉鐵板燒，今次選西餐，係食蠔嘅季節，就揀左呢到試下。準時到，係isquare28樓，望住半島頂，香港景，靚景，環境很不錯。一黎先試蠔，款式其實唔少，不過初試都係小試三款法國，Roumegours，White Pearl同埋Belon，Belon印象最深，好似係四個隆隆，size剛好，唔會太大，夠哂咬口，夠哂肥美，Roumegous幾creamy下，White Pearl就夠鮮，不過未係鮮甜。以蠔吧計，這裡很不錯。食完蠔跟上麵包籃，以薄脆最吸引，其他飽夠哂熱，幾鬆軟下，很不錯既麵包籃。火腿係伴酒既好朋友，小吃就由36month ham打頭陣，部刨機係我地張枱後面，睇住刨幾過癮，火腿軟身，油潤就一般般，鹹香未算強勁，一分錢一分貨，二百多蚊，都唔能強求太多。到鵝肝，食落充滿油香，外面微脆，不錯的。另一驚喜係個伴碟蘋果片，好香。另一款要既係蟹肉，原殼上，成個殼都係蟹肉，夠哂多，睇頭十足，蟹肉食落非常香口，頭盤以呢款最好。小試pasta，要既係牛臉肉長通，牛臉肉煮得夠腍，味濃濃，長通粉就煮得腍左d，不過長通粉配上味濃既牛臉肉，成件事非常好，很不錯既牛臉肉長通。店方
一黎先試蠔，款式其實唔少，不過初試都係小試三款法國，Roumegours，White Pearl同埋Belon，Belon印象最深，好似係四個隆隆，size剛好，唔會太大，夠哂咬口，夠哂肥美，Roumegous幾creamy下，White Pearl就夠鮮，不過未係鮮甜。以蠔吧計，這裡很不錯。
食完蠔跟上麵包籃，以薄脆最吸引，其他飽夠哂熱，幾鬆軟下，很不錯既麵包籃。
火腿係伴酒既好朋友，小吃就由36month ham打頭陣，部刨機係我地張枱後面，睇住刨幾過癮，火腿軟身，油潤就一般般，鹹香未算強勁，一分錢一分貨，二百多蚊，都唔能強求太多。
到鵝肝，食落充滿油香，外面微脆，不錯的。另一驚喜係個伴碟蘋果片，好香。另一款要既係蟹肉，原殼上，成個殼都係蟹肉，夠哂多，睇頭十足，蟹肉食落非常香口，頭盤以呢款最好。
小試pasta，要既係牛臉肉長通，牛臉肉煮得夠腍，味濃濃，長通粉就煮得腍左d，不過長通粉配上味濃既牛臉肉，成件事非常好，很不錯既牛臉肉長通。
店方推介既牛仔肉，肉有明顯烤痕，食落腍身，帶點肥，牛仔肉始終係牛仔肉，牛味唔太強勁，唔係太特別既牛仔肉。
最後有龍蝦，跟個薯條，龍蝦煮得唔會太熟，剛剛好，食落爽口，而最好就係個鉗，夠鮮味。
到甜品，creme brelee試得多，呢到有個伯爵brelee，食落香味濃郁，很不錯。
Mango Mille Feuille，跟mimosa比有點距離，個皮脆d更好。
rum cheese cake，印象唔太深。
環境攞滿分，靚景，係傾計食飯不錯既地方。服務有點小插曲，主角有點hard feeling，不多說用分數黎反映吧，其他都無咩大問題。今年仲有一餐大飯聚，都係試新餐廳，期待。
張貼
