NN Coffee & Gin (裝修中)

估唔到呢度樓上有間裝修得咁靚，充滿鮮花，少女粉紅心嘅Cafe !!!餐廳裏面播住音樂，位置唔算多，不過都坐得幾舒服。餐牌嚟講，佢係主打手工意粉，同埋特色飲品。蟹肉南瓜牛油果手工意粉首先手工意粉嘅質地好煙韌，而且係闊條麵，賣相吸引，而且飽肚。蟹肉配上南瓜同牛油果，配搭清新。而且唔會油膩。配搭一流，特別開胃。卡邦尼手工意粉味道夠濃，而且煙肉份量頗多。一個女仔份量啱啱好。飲品方面，有分酒精同非酒精。我哋嗌咗一杯Rose Latte.呢一間餐廳貼心嘅地方，就係可以嗌脫脂奶。而且拉花特別，賣相吸引。有淡淡嘅玫瑰花香味，唔會太甜。LoveHug 佢係一杯心型嘅嘢紫色飲品，外貌吸引打卡一流。佢材料包括有接木花，檸檬，薰衣草味加上Gin酒。感覺酸酸甜甜，而且每樣材料都平衡得幾好，唔會太甜或者太酸。Conclusion:而呢一個價錢嚟講， 無論環境，食物質素，CP值幾高。而且適合一啲班女仔朋友嚟食飯傾偈打卡。

女朋友最近去左學Pole Dance😚，而學Pole Dance嘅地方開咗一間咖啡店，原來係西貢NN Coffee既分店。咖啡店以粉紅色為主題，座位後面有花既裝飾，燈光方面十足。- 水牛城雞翼雞翼味道非常香辣，而且帶少少酸甜味道，外皮仍然香脆，肉質嫩滑。- 帶子黑松露意大利粉呢個意粉真係喜出望外🤩，手工意粉充滿口感，非常掛汁。忌廉汁嘅松露味非常香濃，帶子煎得恰到好處，軟嫩多汁。估唔到係一間咖啡店都食到咁出色嘅意粉👍🏻- Lovehug 心型既杯非常特別，令人少女心爆棚。味道方面酒精濃度唔算高，熱情果味道好突出。- Sour Sweat 賣相有少少Classic Cocktail - Whisky Sour，茶底係breakfast tea，加上檸檬汁，整體味道酸甜清新🤩整體而言，食物好出色，飲品亦好有心思，尤其係signature cocktail。

今次約左朋友係港島區覓食，搵到呢間位於 鰂魚涌同太古之間嘅新起商廈入面嘅Cafe。係西貢見過nn coffee未曾幫襯，今次係港島見番，緊係去試下，另一個原因，喺係個GIN字，放工之後，飲一杯relax下。呢到環境絕對能勾起同行友人的少女心，可惜門口打卡鞦韆暫時停用，但一入門口嘅粉紅花花牆夠晒吸睛。Cafe走偏白粉紅路線，略微過光，relax感略欠。打開menu，有小食有主菜有甜品有咖啡，更加唔少得有Gin嘅調酒。今次我地叫左兩杯酒、一份薯條、一份main。黑松露沙律醬薯條 $68絕對新鮮炸起，好熱，脆口。但醬份量偏少，黑松露味唔算突岀。香煎日本帶子黑松露手工意粉 $108帶子厚身，半熟剛剛好，份量大，2人share都得。Lychee Martini $108LoveHug $108調酒味道偏甜，絕對是打卡>酒精感。下次試下咖啡。總括嚟講，呢度好fancy好啱打卡。