Ask (已搬遷) 新店位置

今晚約左三個舊同事收工係上環聚餐, 佢地揀左皇后大道中新開張不久的Cafe "Ask"。我地約左7點係餐廳等, 到Ask時客人已經不多, 原來餐廳20:00關門。😌 我地正猶疑轉唔轉其他地方食時, 店員好熱情招待我地, 同我地講唔需要趕, 雖然19:30Last order, 不過我地可以慢慢食。到餐廳時已差不多到Last order時間, 所以感覺似包場。😂餐廳唔大間, 樓底好高而且裝修設計好用心, 綠色擺設佈滿整間餐廳, 坐得好舒服。女同事一見到個餐牌就追問店員圖片的大象係咩飲品, 即刻點左杯, 其他兩個同事都跟住點左。😝晚市主要食Dinner set同All Day Menu, 我地4個人點左2款Dinner set同2款All Day Menu。3個女同事點左拉花的Mocha, 我就點左Cream Brulee Cappuccino, 杯Cappuccino真係有一層脆焦糖係面, 咖啡好香滑, 唔錯。同事點的Mocha同Nutella Mocha賣相超靚, 可見咖啡師的功夫, 佢地影左好耐先捨得飲。😍其中一款All Day Menu: Meat Lovers肉類真係比較多, 除

依家做飲食認真唔易，為彌補租金開支，往往營業時間都頗長，尤其是晌啲旺區，不過，今晚到訪嘅咖啡店「Ask」，雖位處上環區，卻喺8:00pm就閂門，幾有個性。踏入餐廳，地方唔大，卻全無侷促感，皆因對街一面喺落地大玻璃，視覺開揚，又有高嘅樓底，再加上吊起唔少裝飾性植物，雖然喺假嘅，都令整體予人清新有活力。而且，枱與枱之間排得唔密，牆上掛起唔少畫作，叫人感覺舒適！友人未到，先翻一轉餐牌，有一系列全日散點菜式，如小食、沙律、熱盤、漢堡、全日早餐、意大利麵，選擇唔算多，但以咖啡店以言，足以應付日常需要；況且，晌餅櫃仲見有啲鬆餅、牛角酥、蛋糕之類輕食及甜點。晚上嚟，就梗喺打算叫晚餐，晚餐底面兩頁共6款選擇，有兩款全日早餐、漢堡、意大利麵、鰻魚飯、三文治，賣$88-$108，並配咖啡或茶，加上舒適環境，定價相宜。Meat Lovers $108晚餐選擇中，除咗ASK全日早餐外，依一款Meat Lovers都頗有全日早餐嘅格式，但絕對喺食肉獸嘅頭號選擇，超啱晒我添。食材包括牛肉漢堡扒（可改選雞肉漢堡）、煙肉、香草雞肉腸、芝士、大量粗薯條、牛角包，嘩！上枱時擺到一碟都喺，睇見都興奮呀！最正喺煙肉、雞肉腸打