Brunch Club & Supper

營業中

休息中

之前都成日聽到中環間好好食，今日行過銅鑼灣見到份都膽粗粗入去試下，價錢來講起銅鑼灣係幾划算，$138就食到塊好juicy，又有咁厚既steak，個肉汁都好濃郁，配上即煮既medium 肉排，個口能好滿足💯，伴碟既薯角is super crispyyyy! 真心好有誠意，食到膩仲有火箭菜同車厘茄on side，成個dish風味都好平衡。不過真係要越熱食，我就因為太忙手上的文件，放耐左隻太陽蛋，變左冇咁流心，同埋肉排尾端有d 太熟。甜品唔推薦，叫左個$42既tonffee pie ，成個都係cream，幾鐘意食甜野既我都要棄cake，中間冇海綿蛋糕，又好少香蕉🍌 個pie底係用平價消化餅做，連奶香同蛋香都冇，仲要一叉就碎哂，食到成張枱都係。熱Mocha（$42）都唔錯，好夠熱，同埋唔會太甜，個拉花都拉得出色，飲幾啖都冇散開。服務方面都唔錯，好盡責，中午時段真係好忙，但都keep住努力serve客，唔會面黑黑👏🏻Definitely will come back

同朋友一班人慶生，因為有人只能就到brunch時間出黎，揀黎揀去揀呢度。原本期待值唔高，諗住個裝修普普通通，應該無乜特別，點知食完真係餐廳不可貌裝修，非常高質！（後尾先諗到人地呢啲叫復古，我真係識條鐵）一入到去，見到勁多外國人，配多年經驗，多外國人間餐廳通常都正宗（中菜除外🤘🏽）。我地4個人叫左4份share，非常之飽，最好味係中間個個煙肉，同埋個burger 隔離個薯角。呢間係會返兜既餐廳。😘

銅鑼灣食飯好多時候都要訂枱，但係呢一間喺跑馬地、灣仔、銅鑼灣中間嘅西餐廳就比較容易搵到位。如果突然間想食英式早餐、Eggs Benedict等等，可以考慮下呢一間餐廳。講真，食物質素唔算特別好，只係屬於普普通通嘅嘢食。環境都可以，因為啲枱唔算好密，都坐得好舒服。之不過，呢度嘅服務就非常之差，係次次黎都差唔多咁差。你可以叫10次啲人都唔理你。理左你，又唔代表佢真係會幫你。最後要催好多次先至可以得到你想要嘅嘢。其中一個姐姐係比較友善嘅。All Day breakfast就係呢個乜都有嘅mixed Grill，只得一款，同埋唔夠英式，冇Black pudding。當然有好多其他Toast、eggs嘅菜式，但就唔係一碟有好多嘢囉Eggs Benedict就唔錯嘅，個荷蘭汁整得幾好😋而pancakes就普普通通，冇乜特別。算係幾大份，幾個人share都好滿足嘅！呢度所有食物都唔包飲品，所以又食嘢又飲嘢就唔係好抵。一杯咖啡、茶呢啲都要四五十蚊。相反你喺度飲酒可能開心啲，因為酒本身都貴啲嘛🤣