Table 18 Bar & Restaurant (已結業)

 喺觀塘同朋友食完飯，想揾間坐得舒服嘅coffee shop 飲番杯野，打下電話同客傾計咁。去左APM揾，見倒有間類似酒吧餐廳嘅物體，好似坐得幾舒服，入去啦。坐低左先知呢間叫做Table18，本來想飲咖啡，但睇倒佢哋Cocktails Menu 啲飲野相好得，決定叫左杯我懷疑係佢地自創嘅Cocktail 叫 Mojito。等左約5分鐘，杯cocktail到左，賣相同相有偏差，但又唔太差。飲一飲睇下用嘅同menu 所講嘅用料係咪一樣先，好彩冇偷工減料，有新鮮薄荷葉、Rum 及Lime，溝埋一齊好清新，Lime juice 同新鮮薄荷嘅草本香味好夾，而呢種草本植物嘅香味係薄荷酒俾唔倒嘅！加埋一杯野先HK$64，hea左兩粒幾鐘。人少過Star Bucks ，環境坐得好舒服！睇左陣呢度嘅Lunch menu，覺得價錢幾合理，包自助Salad Bar ，百鬆啲蚊一個餐算唔錯，Salad Bar 賣相其實幾唔錯，下次經開APM 都可以食過Lunch 加飲杯野hea 過下晝！