Biergarten

營業中

休息中

黎得呢一間德國餐廳梗係為咗嘆番杯德國生啤啦，唔知係唔係時間尚早呢，個鬼佬Bartender走過嚟同我哋吹水woo，兩隻德國生啤之中佢就推介我哋飲Bitburger，其實我同我老友就係諗住飲Bitburger先至黎呢度。我個friend見到Bar枱入面有隻好過癮嘅啤酒杯，成隻鞋咁樣樣，多口問個鬼佬係唔係裝飾品，個鬼佬就話係一公升杯，仲問我朋友要唔要試吓用隻鞋杯黎飲。另外仲叫咗個Nachos，d芝士好鬼香，不過如果有埋牛油果醬就仲正啲。Happy Hour有Nachos有啤酒，已經好開心了。

啤酒都係德國嘅好飲，最好梗係要配埋豬手，咁先至係完美嘅德國晚餐。呢間餐廳嘅德國生啤有兩款，分別係Bitburger同Konig，同出面成日見到的Erdinger同Paulaner好唔同，所以我鍾意黎呢間多D。我個人鍾意Konig多D，因為無咁苦，不過Bartender話賣晒，所以唯有飲Bitburger。呢個Nachos都幾好食，用黎餸啤酒真係唔錯，佢隻Nachos唔係用出面成日食到嗰隻平價貨Corn Chips，幾好。呢間嘅豬手真係唔錯，聽聞個老闆係德國人，唔知係唔係呢個原因令到佢嘅味道正宗D呢？個酸椰菜我都幾鍾意食，食一大舊肉之後食酸椰菜會無咁滯，個薯蓉基本上就食唔晒，因為已經好飽。

下班後與朋友相聚, 揀選了這裡因朋友喜歡德國啤酒, 結果是不錯的經驗各式啤酒都不錯, 獨特的味道, 完美的泡, 令人享受絕不馬虎的Nachos, 本身是毫無期望, 只是只點些小食來送酒, 誰不知這認真的製作不像一般nachos, 只將脆片放於碟中, 然後把肉醬汁及各式配料倒於上面便算, 這整個nachos連配料是焗過的, 非常美味, 芝士更溶於上面, 效果很好!

好友生日，大家決定食下新餐廳，最後揀左 Biergarten星期五晚上七點幾人山人海, 氣氛好不熱鬧，好彩有 book 位，餐廳入面亦有好多德國人，斷估都唔會差得去邊～6 個人叫左 4 樣野已經飽左，因為每樣都好大份～羊扒打頭陣，我地叫左 medium，黎到覺得有少少 over medium，不過質素 ok羊肉香味四散，肉質酥軟，羊扒下係烤焗過既煙肉絲同薯仔，份外惹味第二樣係小食拼盤，有幾款腸，漢堡肉丸，芝士同酸瓜，非常大份 芝士唔太岩食，不過其他都幾好，食左幾款肉再食酸瓜感覺都冇禁膩 豬手烤到外皮奇脆，好食 但我比較喜愛冇禁乾既豬手伴碟有酸菜同薯蓉，覺得酸菜太酸，但配埋其他料一齊食就恰到好處回想係柏林食過一間餐廳既酸菜好好食，期待係香港食到差唔多水準既酸菜 最後黎左 nachos，上面有芝士，肉醬同埋洋蔥粒煙韌既芝士肉醬加上香脆粟米片，good