SPICE Restaurant & Bar

營業中

休息中

成日都期望能夠在香港搵到一間整naan and curry 了得嘅印度餐廳，今勻終於俾我搵到了。一入到餐廳就見到地方好闊落，座位舒適，裝修好有特色同味道，牆上掛了好多充滿印度風味嘅畫，當日仲有生日會，除咗好適合朋友聚會，仲好family friendly!重點推介佢哋嘅牛油雞咖哩，配埋個Naan 真係無得頂！咖哩好creamy, 唔會太辣，Naan 好軟熟，我哋點了蒜蓉烤餅，食完好想再點，但又想留肚試下其他菜式。單哩兩個菜式我覺得都夠原因令我再去多次。另叫了個特式粟米片Nachos, on top 有Mozzarella cheese, sour cream, olives, 同牛油果醬，我哋食到唔停得口。其實就以上都好大份量，食完好飽，仲以為唔夠兩人食而叫多了個肉醬闊條麵，闊條麵又係好夠份量，味道濃烈，但佢哋好叻咁配了沙律菜，食完闊條麵再食沙律菜感覺清了一下味濃的口腔。飲品方面我點了一杯凍橙汁，同伴點了fruit punch，食完飽到要休息個15分鐘，哩度嘅好處係無人會趕你走，坐得舒服食得開心。

Spice係一間印度Fusion酒吧餐廳，之前已經食過幾次，野食唔錯坐得亦舒服。冇風嘅八號風球無啦啦賺左日假，唔想成日屈喺屋企，近近地黎食個early dinner。因為已經食過幾次，所以盡量揀啲之前未食過嘅野。烤羊肉串燒($140) - 雖然中文譯做串燒，但清真餐館哩類串燒其實係四條羊肉腸。羊肉羶咩唔重，烤完都唔會太乾，食之前吱啲檸檬汁酸酸地幾開胃，就咁食已經夠味，鍾意重口味嘅亦可以蘸啲薄荷醬食。Nachos($115) - 份量唔少，粟米片上面大大pet牛油果蓉、番茄沙沙醬同酸忌廉，再加埋半融芝士，colorful之餘亦好食，兩個人食完都有少少飽肚，如果只係餸酒食，都夠三四個人食。Chocolate Smoothies($60) - 相比起野食，哩度嘅野飲就冇咁抵，不過以尖沙咀黎講都算正常價。朱古力奶昔朱味都可以，奶味唔會過重，口感好滑。Watermelon Juice($50) - 飲得出係新鮮西瓜渣汁，味道唔會太淡。總結，野食選擇豐富，除左印度咖同清真食品，亦有pizza同pasta哩啲大眾化食物，野食性價比較酒水高，就算唔係為飲酒，黎食晚餐都係唔錯嘅選擇。

今晚慶祝好朋友結婚，我地成班姐妹團預備左個surprise dinner俾女主角因為佢會喺尖沙咀試婚紗，所以我地揀左諾士佛臺既呢間餐廳，方便又有得飲酒呢間其實係印度餐廳，但係都有西式菜選擇。侍應都係外國人，知道我地book左枱慶祝朋友結婚都好幫手，專登留左張長枱俾我地👏🏻我地幾個姐妹去到就準備定先，另一個姐妹就負責帶準新娘過黎俾個驚喜佢結果都好成功，準新娘完全估唔到我地會喺度出現🥰由於距離大婚日子只有三日，所以我地叫既野食都以沙律同雞肉為主！我地叫左Nachos同House salad做前菜，Nachos唔錯，最鍾意係d醬，配墨西哥脆片真係好好味！House salad我地加左三文魚，其實就普通，Grilled salmon味道偏淡，不過為左健康就無辦法啦另外我地叫左兩碟雞肉，一碟係US chicken breast，另一碟係Grilled chicken fajitas，其實都係雞胸肉黎，只係一個係煎一個係鐵板燒兩碟既雞肉都差唔多味，都係靠個醬汁先有味道🙈對我呢d重口味既人就麻麻啦最後，我地怕唔夠飽所以都忍唔住叫左碟risotto，又唔錯喎，有驚喜，牛肝菌味道超濃我就好鍾意啦臨走前，