Poke Go (漆咸道南)

營業中

休息中

每次要食清啲嘅時候，一定有一兩餐係食Poke bowl🥗，滿滿一碗原型食物，有飽足感得嚟自我感覺又良好，減肥期間必食，Poke Go就係每次都食得我好滿足嘅其中一間💚！辣味嘅Poke bowl比較少見，多咗一份開胃感，不過唔好睇少佢都幾辣下🌶️。平時食開三文魚、呑拿魚嘅，可以試下呢款八爪魚🐙，不嬲都對佢擦紙膠咁嘅質地好反感，但呢度就驚喜地爽口彈牙，而且份量非常慷慨，每𢳂一啖都至少食到一粒！可惜今次汁醬方面重手咗，食到尾碗底有成攤醬，追求極致健康嘅人士見到可能會心理唔平衡😂

又介紹多間poke bowl啦，呢間相信大家都唔陌生，因為都幾出名，尖沙咀分店嘅牆上面仲有joeie foodie嘅插畫！ 呢間嘅Poke bowl款式配搭都有多啲新意，而且好足料，好大碗，不過價錢相對都會貴少少🤏🏻今次同2個朋友，叫咗3碗share食，poke bowl啲配料同醬汁都好開胃，唔覺唔覺就食晒，但食完係超級飽🤰🏻•🥢 ONO $118配料：三文魚、壽司飯、溫室青/瓜、雞蛋絲、蟹棒沙律、果仁芝麻醬、芝麻呢個係最classic嘅選擇，朋友話差唔多次次嚟食都叫呢個😝 全部配料都好清新開胃，呢個配搭都係食Poke bowl最常見嘅一款，不過呢到就多咗一球蟹棒沙津喺面！每碗都插住一塊蓮藕脆片，不過就腍咗🙊 同埋呢個用嘅係果仁芝麻醬，比一般芝麻醬無咁膩😋•🥢 808 $128配料：吞拿魚、壽司飯、沙律菜、和式青蔥、枝仁豆、三文魚籽、雜菌香菇、山葵乳酪醬、芝麻、木魚絲呢款係吞拿魚，配料比較特別，有枝豆同香菇粒，全部都撈勻咗，又多咗好多口感！幾鍾意個山葵乳酪醬，有啲食壽司嘅感覺，面頭仲有好多三文魚籽，加咗啲鹹香味添😍•🥢 NALU $118配料：八爪魚、壽司飯、樱桃番茄、和式青蔥、甜粟米

次次夜晚經過都排唒長龍，所以就簡早少少既時間黎食個”early dinner”。簡左Nalu，由於無咩客人既關係，食物好快就到。份量係十分充足！大大碗，而且材料都好新鮮好好味，汁也是係毫無保留咁比勁多! 絕對能夠滿足大家既味蕾!唯一既問題係，餐廳採用QR Code 落單，而且繁忙時間仲要搭枱，也唔見得侍應有咩服務（其實這類餐廳都咩服務可以提供）。呢個價錢對比其他食poke bowl 既鋪唔算特別優惠，但竟然要加一，性價比黎講就真係唔算高。間唔中食下都可以，但如果繁忙時間又要排隊、又要搭枱就未必係首選了。

放假晏左少少出去食野，係尖沙咀唔知食咩好，咁岩搵到呢間仲有lunch食 去到5點都仲有🤣 岩哂 記得之前係深水埗食過外賣都好食 NALU - 🌕🌕🌕🌕🌗 八爪魚+皇帝蟹柳+櫻桃蕃茄+ 粟米 + 辛味蛋黃醬揀呢款係因為個醬 少少辣 好惹味主食都唔差，八爪魚最怕好似擦膠咁，但呢到既係好爽口，而且份量超多，起碼有成2X粒，仲大大粒櫻桃蕃茄都有驚喜 好juice 有啲似食提子，甜甜地幾好味ONO - 🌕🌕🌕🌕🌘三文魚 + 皇帝蟹柳 + 雞蛋絲 + 青瓜+ 果仁芝麻醬個芝麻醬搭沙律菜好夾 食哂成碗都唔漏冷壓果汁 - 🌕🌕🌕🌗🌑set lunch跟野飲，果汁好fresh 都幾開胃最欣賞係用左雙層玻璃杯 食完飯杯果汁keep到凍👍P.S. Set可以轉沙律菜/糙米飯/壽司飯 (1 or 2), 不過餸同醬就fix左