LAB EAT Restaurant & Bar (T.O.P This is Our Place)

營業中

休息中

T.O.P五樓既Lab Eat係我近期幾鍾意既西餐廳之一😍，香港好多西餐廳既食物同飲品都如出一轍，但lab eat會加添一啲驚喜元素，令味道同賣相提升一個層次。先講裝潢，雲石枱同圓形梳化盡顯時尚。另外餐廳有露天平台。- 黑松露菌泡沫濃湯見到上面一層既泡沫就知道唔係普通既濃湯，LAB EAT果然係LAB EAT，一碗普通既湯都可以表現到科技混合料理既成果🤩- 泰國Jolie生蠔🦪生蠔味道好鮮甜，泰式辣汁帶來衝擊提升生蠔既味道層次。- Swiss Cheese Carbonara 職員在我地面前將意大利麵放入超巨型既帕爾瑪芝士輪內，然後快速攪拌約35秒，情景非常壯觀😯每一條意粉都被芝士醬包住，每啖意粉滿香濃既芝士味，加上大量蘑菇同煙肉，滋味無比。- 手工黑加倫子意大利雪糕配朱古力脆餅我第一次食到黑加侖子味雲糕，味道酸酸甜甜，質感相當幼滑。至於朱古力脆餅亦好正👍🏻- Narcissus玫紅荔枝mocktail味道甜甜地，侍應好似魔術師咁變出一個圓形白色汽球，靜係影張相打個卡就已經值回票價😚以上所有菜式同飲品都非常驚豔，即使係平時食到既菜式例如carbonara都帶俾我新鮮感🤩期待下次再有更多

<Lab Eat>終於進駐旺角T.O.P，餐廳走優雅高質格調，室內的圓形沙發卡座，令客人享有私人空間。透過落地大玻璃，提高室內的採光度，戶外用餐區有舒適躺椅、大太陽傘，即使炎炎夏日都能沐浴陽光下用餐，感覺愜意。Narcissus $58荔枝梳打混入雪碧，有氣冰爽，入口蜜甜，慢慢沁出玫瑰花香氣，加上荔枝果肉，十分甜思思，清新解渴。西班牙辣肉腸炒鮮蜆 $138這是鮮味盛宴，蜆肉入口鮮嫰，肥美肉厚，浸泡在温熱的湯內，湯中加入辣肉腸、紅辣絲及洋蔥，微辣而刺激味蕾。大蜆啖啖肉，吸收了湯中精華，加上惹味辣肉腸享用，真是一口一鮮味，令人吃過不停，再呷一口湯汁，微辣鮮甜。12小時慢煮美國一級牛小排(500克) $318牛小排用慢煮方式烹調，透過長時間以較低温加熱，避免肉質在高温下筋膜收縮，使牛排入口軟腍。厚切的牛肉，質感嫰滑，牛味香濃，連同少許肥膏，入口油脂豐腴。內裡肉質粉紅，柔軟而又帶嚼勁的口感，滋味過人，再沾上岩鹽，使肉汁加倍香郁，令人難忘。Chocolate Ball & Jelly $128朱古力波造型別緻，底部以呍喱嗱雪糕固定，店員倒上液態氮，內裡的焦糖朱古力雪糕迅速冷涷凝結

除左反工以外，唯一興趣就係食好西既我地。呢一日6點令就坐低左，又未肚餓，就叫左2杯白酒($75)chill一chill，happy hour(3-7pm) 仲有fat chips可以無限refill添。WH Kessler Selected Vintage Riesling 2017 ($75/Glass)呢款來自德國既白酒，酒體輕快活潑，清爽優雅，香氣帶白花花香、清雅的李子、桃子等果香，十分迷人。入口帶檸檬、西柚味，感覺清新。配搭海鮮食一流！無錯，我地叫左生蠔Tatihou Oyster ($192/4pcs)蠔肉細滑爽脆，好香堅果味同海水味，我分別加左Thai Lime Dressing 同cocktail sauce，前者酸酸甜甜，幾泰式又清新，後者就傳統食法，2款都好match到個蠔，岩哂我同友人唔同既口味。Bread可以將個麵包沾d意大利黑醋同橄欖油食，而麵包係餐廳homemade，略帶甜味，麵包烘到每一面都脆卜卜，好crunchy。Appetizer 刺身級珍寶帶子薄切 ($198)用一個好特別既sauce，材料有有海膽、三文魚籽、温泉蛋、青檸雪芭，食既時候將以上幾樣攪拌，

其實好耐之前就想試下tst既Lab Eat，但一直都冇機會去試。。。適逢最近有好姐妹結婚，想揾個有情調既餐廳同佢好好慶祝下，咁就比我發現到LAB EAT開左新店係旺角，前身係工業貿易署既T.O.P.商場。LAB EAT係商場既5樓，係商場既平台，有indoor同outdoor既座位。我地未肚餓，就叫左2杯白酒Chill下先WH Kessler Selected Vintage Riesling 2017 ($75/Glass)Tatihou Oyster ($192/4pcs)蠔肉好細滑，口感爽脆，食落有堅果味同微微既海水味，就咁加幾滴檸檬汁已經充分將蠔味帶出。仲有Thai Lime Dressing 同cocktail sauce，白酒配生蠔，人生一大樂事！刺身級珍寶帶子薄切 ($198)有帶子為主角，伴有海膽、三文魚籽，中間有隻温泉蛋，底下仲有青檸雪芭。食既時候mix埋一齊食，口感更滑溜，有濃郁既海膽廿甜，都有淡淡既青檸味。牛肝菌泡沫濃湯 ($88)以大量既菇菌打碎煮成湯，飲既時候會食到一粒粒菇菌，新鮮菇菌的香味充滿整個口腔，滿滿的滿足感。廚師更將北海道牛乳打成泡沫狀，猶如分子料理