De België (已搬遷) 新店位置

位於伊利近街近卑利街交界，有間專賣比利時啤酒嘅酒吧，今晚同左幾位同事嚟Happy Hour我地坐喺店裡面近吧枱位置，坐得舒服之餘，亦都有部電視可以睇波。牆身掛滿晒啤酒嘅價錢，種類多，價錢亦都豐儉由人。同事介紹下我叫左枝幾特別啲嘅啤酒，特別之處係呢隻啤酒要配返佢專用嘅杯，呢隻La Corne有專用嘅牛角杯載住。欣賞住金黃色嘅酒身，之後就成個木架咁攞起隻牛角一大啖飲落去，好型呀！泡沫好滑，帶少少橘子香味，啤酒帶點甘口味較重，我覺得比較適合男士飲用。試左另一枝叫Kwak用漏斗杯載的，琥珀色酒身，味道帶點焦糖味，少少甜易入口又香口，我比較喜歡這個口味，漏斗都係岩女士飲多啲。Octopus $98八爪魚面撒上啲辣粉，底就夾左啲沙律醬同墊左薯仔，作為餐前小食真係好開胃，鮮味又惹味，又有口感。Belgian Ham & Shrimp Croque $78呢個有啲似澳門食嘅馬介休球做法，但裡面係有火腿同埋蝦做成嘅炸薯仔球，金黃香口用嚟送酒最好。Iberico Ham Gran Reserva $178伊比利亞火腿透明剔透，油分充足，脂肪分佈亦都好均勻，油脂甘香，鹹中帶點果香嘅肉味，呢個價錢有咁多片都算

識飲，當然飲手工啤。繁忙工作後，歎下手工啤，吃著美食，將工作壓力拋開，一樂也。Westmalle $98要飲比利時手工啤，就不能錯過飲修道院啤(Trappist)。泡沫細緻，口感清爽卻很紮實，麥芽與果糖的甜味，尾韻帶一點回甘的苦味。Octopus $98厚切八爪魚，塗上醬料及灑上辣粉，把鮮味帶出。八爪魚軟彈惹味，配合托底的薯仔，口感又軟又彈又爽又腍，不錯！Roasted Port Knuck $268喝住啤酒，不其然想吃豬手。吃豬手皮一定要脆，而且要香脆口粘口有煙燻香，肉帶咸香，不能太乾，這份豬手全做到了！Fresh Herb Roast chicken $238肉質嫩滑，皮脆肉香，香草等調味十分入味，咬落有肉汁，雞胸部份亦不鞋口，配啤酒一流。

作為比國(比利時)的兩大名物-精釀啤酒及朱古力,在香港的普及程度越來越高,甚至乎,在中環的酒吧區內,有一間主打比國精釀啤酒與美食的酒吧餐廳橫空而出!有好友知我其中最喜愛的啤酒是來自比利時,就問我有否興趣到中環這店一探究竟,而我被其說著說著也引起興趣,遂答應前往之!位於中環半山酒吧食肆林立的蘇豪區內,伊利近街一向都多一些有異國特色店子;而好友與我蒞臨的這店--De Belgie,名字上已看出其所以言!這店果然是酒吧餐廳格局,經過精心設計的分成兩部份,外面是半露天酒吧,似乎比較適合喜愛邊看街景邊喝酒邊聊天的客人;而喜愛細意品嚐美酒的一定是屬於室內的餐廳格局!由一大堆杯子圍繞的吧檯,到牆壁上掛著各種啤酒的名號牌子,加上高腳餐檯與皮製梳化,柔和舒適的燈光照射下來,比國風情已油然而生!作為主打的比利時精釀啤酒,店子提供的款式十分充足,要在從中挑選確實要花一番功夫!好不容易,我才在這啤酒大觀園中選了比利時最有名氣亦有悠久歷史的--修通院啤酒;品嚐比國精釀啤酒的重要一環是要配上合適杯型的杯子,才能將各款啤酒的香氣與口感特質表現出來;不得不稱讚此店的是,除有合適杯型的杯子外,竟然連品牌專用杯也齊備!我