Owens

營業中

休息中

呢間餐廳前身Paradise我有食過，環境較昏暗，但印象中幾寧靜，易手後光鮮左亦旺場左，不過座位比較迫，成晚聽住左右兩枱傾偈，自己都唔敢點講野。望到餐廳佈置同餐牌上個麻糬提拉米蘇，我就諗起佐敦某P餐廳，唔知兩者有冇關連。① Set Menu for Two $408是日餐湯: 粟米湯頭盤: 煙三文魚凱撒沙律主菜: 龍蝦汁虎蝦闊條麵 美國安格斯肉眼牛扒甜品: Owens牛角窩夫伴雪糕 伯爵茶麻糬提拉米蘇(+$38)飲品: 柚子蜂蜜 香茅生薑蜜.個粟米湯似罐頭湯，尚可接受，煙三文魚沙律正正常常；闊條麵味道略淡，肉眼扒叫五成熟但似全熟，唔覺有紅色，口感亦有點韌，扣分。牛角包窩夫配雪糕幾好味，反而最期待既Tiramisu只係覺得甜，唔太食到伯爵茶味，有點失望。不過飲品杯香茅生薑蜜有驚喜，薑味重但唔會覺得難入口，好飲。② 薯條三兄弟 $58薯條咬落幾粉，三個醬味道香濃，配薯條一流。.最後都想一讚餐廳員工服務態度幾好，幾主動提供協助，但整體性價比唔算好高。

長期滿座嘅西餐cafe今日終於食到🥹裝修係簡潔明亮嘅波希米亞風🏝️食物質素同服務態度都💯難怪可以咁full仲要地鐵站行過嚟1分鐘only 🤣Dinner 2人餐人均$200其實算ok 加上嘢好食係覺得性價比好唔錯💫👨🏻‍🍳🤳🏻 Set Menu for two $408是日餐湯 - 粟米湯沙律菜蒜蓉❤️‍🔥&芝士焗蠔各2 (蒜蓉encored +$68)北海道帶子墨魚汁意大利粉 ❤️‍🔥露絲瑪莉香草燒羊架❤️‍🔥Owens牛角窩夫伴雪糕❤️伯爵茶麻糬Tiramisu +$38❤️‍🔥柚子蜂蜜❤️ 凍檸茶🥣 餐湯比較稀身 入口有香甜粟米味🌽 / 蒜蓉❤️‍🔥&芝士焗蠔各2 (蒜蓉encored +$68)🦪焗蠔即焗即上枱 個蠔入口好滑完全唔腥保留少少海水鮮味🤌💙 仲芝士好食有啲拉絲同埋好香有啲creamy🧀 個蒜蓉超香仲有牛油🧈 我地都算食過好多蒜蓉焗蠔 而呢個真係好好食🔥所以食完encore咗 / 北海道帶子墨魚汁意大利粉 ❤️‍🔥幼意粉彈牙軟硬適中 帶子鮮甜肉質彈牙 墨魚汁份量好多😹 配面頭紅辣椒乾絲好好食😳 /露絲瑪莉香草燒羊架❤️‍🔥羊架好好食🥹🥹🥹 揀咗7成熟 外層烤到少少香脆 羊羶味微乎其微 重

哩間Owens長期排長龍，今日早少少walk in，終於可以試試。店鋪裝修得好靚，好似入咗花園咁，晚市提供好多款晚市套餐，兩人套餐最抵食。熱香茅生薑蜜，飲落薑味好濃，成杯飲完好暖身。凍檸檬茶，茶底好香，似錫蘭茶底，唔會好甜，唔錯。今日餐廳係南瓜湯，飲落好creamy。沙律好特別，醬汁落咗wasabi，食落有少少辣。蒜蓉焗生蠔，生蠔有成個巴掌大，蒜蓉比得幾多下，生蠔食落好肥美，好味。海膽汁北海道帶子義大利粉，大大只帶子有3只，意粉煮得啱啱好，海膽汁好鮮甜，搭配埋意粉好味。露絲瑪麗香草燒羊架，揀咗羊架8成熟，切開仲見到少少血水，8成熟都唔會燒得好幹身。羊架處理得唔錯，食落冇膻味，啱曬女仔食。原來晚市套餐甜品都係2人份，Owens牛角窩夫伴雪糕，窩夫即叫即整，送上來仲熱笠笠，搭配埋雲尼拿雪糕，好味。加咗38HKD升級一個甜品為伯爵茶麻薯提拉米蘇，提拉米蘇伴有好Q彈啲麻薯，口感都幾特別。提拉米蘇唔會好甜，食落好smooth，唔錯。成份套餐買單唔夠500HKD，包埋餐湯/沙律，嘢飲，主食同甜品，質素仲好高TIM，難怪長期排長龍啦！

就係太子站一出就見到呢間新開既cafe🍰呢條食店臨立既街道 佢既純白門面更吸引我🥰圓拱型歐式設計既玻璃窗 清晰可見內裡既熱鬧情景食店並唔係十分闊落 裝潢上富有簡約既大自然風🌿食物既選擇多元化會係我比較著重既一點😌有dinner set揀🍴而款式上都比較多配搭 合我心意🤪➷🪐 法式蟹肉龍蝦湯叫咗個Dinner for two 有齊頭盤主菜甜品飲品🫢本身係跟是日餐湯 不過就緊係升級龍蝦湯吸引啲喇🦞龍蝦湯味道濃厚 唔會太過咸 入面仲有絲絲蟹肉🦀有一個濃湯作為一個晚餐既開端都幾唔錯🥰§🪐 蜜糖柚子雞翼雞翼炸到香脆再淋上蜜糖柚子醬🍯雖然唔算特別 不過味道搭夠😋酸酸甜甜 份外惹味👍🏼§🪐 海膽汁北海道帶子意大利粉曾經有試過食海膽汁意粉係咸到一個點🥶但每次見到都想食 因為本身海膽汁都係好惹味今次食到呢個 係醬汁方面掌握得幾平均👍🏼足夠俾意粉掛到汁之餘亦唔會太多 味道係岩岩好濃郁🤤帶子厚身 配合返個醬汁去食就好夾😍§🪐 美國安格斯肉眼牛扒我一坐低個陣就見到隔離枱食緊呢個😆我都一定要食🫢吸引我既地方就係佢粉紅色既嫩肉 見到都吸引呀🤩我叫咗5成熟 一切落去已經感受到牛扒既軟腍🤤肉味偏濃郁 牛香味係幾突出