CHIC Italian Cuisine and Oyster Bar (已結業)

尖沙咀一向多好食餐廳，平時走訪各食肆，又怎能錯過這間高質的西餐廳，其實是朋友介紹的，叫Chic by the Oyster House,起初以為專食生蠔，後來發現原來咩都有得食。午餐set種類唔算多，但都令人滿意。餐廳除左室內，還有戶外雅座，仲有水煙食，真係偷得浮生半日閒。Seared Salmon$118.午餐set叫左個三文魚扒，魚厚多汁大大磈！魚皮煎到好香脆。三文魚呈粉紅色，肉質嫩滑，魚油甘香，啖啖精華啖啖肉！所以話食西餐唔一定要食牛，食魚都可以好驚喜！隨餐加$58有兩隻肥美生蠔，不得了，又creamy又爽口！唔食對唔住自己，雖然唔係咩女伯爵同Gilleado,但一樣好食。熱食前有一個沙律食下，清清腸胃。菜又新鮮又爽口！食完仲有個甜品！細細份，啱啱好。甜度適中！

終於今次係人地同我慶祝生日啦！雖然要我一個等左好耐，但有好野食即刻開心返哂！午市LUNCH SET有湯/沙津+主菜+甜品仲有餐茶。不過朋友愛吃蠔，所以就點了四隻。*餐包餐包典型的配上了油醋，不過今日想吃原味，所以就冇沽了；麵包是歐陸式的，中間加入了香草和番茄乾，帶點酸味。*凱撒沙律沒有什麼特別，平時食是加煙肉碎；但這個加入了鮮牛肉粒，味偏甜。*Oyster (+$58/2PC)生蠔如果不新鮮的話，真的很難入口；但這個是可以自己一個食一打的！蠔不會太重海水咸味；蠔肉都幾飽滿；味鮮冇怪味。*燴牛胸腩配薯蓉 ($148)份量比想像中少，如果很餓的話真係可能唔夠飽。薯蓉很幼滑；燴牛胸腩很淋，味道偏甜，但伴上薯蓉好開胃。*麵包布丁伴朱古力醬比較似布丁質感既，都算滑，唔會太甜，蛋味重。整體黎講都唔錯，可以再黎！