影片
更多
2017-06-09
2640 瀏覽
好，又係生日飯嘅時刻，今次得3個人所以選擇咗鰂魚涌太古坊一間法國菜餐廳 -- Plat du Jour。餐廳門口低調，坐落於寧靜嘅海灣街，感覺親民舒服，消減咗法國菜一向有啲高不可攀嘅觀感。同上次喺食對面街Mr. & Mrs. Fox感覺大相逕庭，有另一種享受。以為係好細嘅店，原來由門而入用餐區分咗3部分，有紅色梳化配雲石方枱，亦有普遍靠背椅配雲石圓桌，燈光偏浪漫柔和，有燭臺。情侶談情或是朋友把酒言歡都好適合㗎。侍應同餐廳經理都熱情有禮，有看上去比較年輕嘅侍應對我哋餐點上嘅問題，都能一一應對同提供意見，感覺比市面其他餐廳都更專業。人少少又係3個女兒家，所以就點咗Main menu上面幾個Red highlight signature items試一試。前菜有Salami with baby onion & cornichons -- 咸香嘅Salami配上BB蕎頭同醃青瓜: 酸嘅醃菜剛好中和咗醃肉隆重嘅口味，不過要制止酸瓜控嘅朋友不停想添青瓜嘅慾望😅。今晚朋友指定要飲香檳酒類，叫咗枝Pierre Chainier SeductionBrut -NV呢枝酒係Sparling wine唔係香
以為係好細嘅店，原來由門而入用餐區分咗3部分，有紅色梳化配雲石方枱，亦有普遍靠背椅配雲石圓桌，燈光偏浪漫柔和，有燭臺。情侶談情或是朋友把酒言歡都好適合㗎。侍應同餐廳經理都熱情有禮，有看上去比較年輕嘅侍應對我哋餐點上嘅問題，都能一一應對同提供意見，感覺比市面其他餐廳都更專業。
人少少又係3個女兒家，所以就點咗Main menu上面幾個Red highlight signature items試一試。
Salami with baby onion & cornichon
$70
48 瀏覽
0 讚好
0 留言
前菜有Salami with baby onion & cornichons -- 咸香嘅Salami配上BB蕎頭同醃青瓜: 酸嘅醃菜剛好中和咗醃肉隆重嘅口味，不過要制止酸瓜控嘅朋友不停想添青瓜嘅慾望😅。
Pierre Chainier SeductionBrut -NV
$420
68 瀏覽
0 讚好
0 留言
今晚朋友指定要飲香檳酒類，叫咗枝Pierre Chainier SeductionBrut -NV
Pierre Chainier SeductionBrut -NV
$90
39 瀏覽
0 讚好
0 留言
呢枝酒係Sparling wine唔係香檳區正式嘅香檳，雖然waitress話佢屬性輕微偏dry，但係好易入口，冇過多嘅甜味果香，配之後嘅生蠔剛好。(店內亦有另一款正宗法國Champagne -- Charles Heidsieck•Brut Reserve NV $750/bottle選擇)
Oysters
$125
55 瀏覽
0 讚好
0 留言
本來想叫一打生蠔，點知有位小姐每次食飯都總會肚仔唔舒服，所以叫半打頂吓癮算數。
Oysters
$25
36 瀏覽
0 讚好
0 留言
蠔係法國Fine de Clair No.4, 雖然個子細細，但係新鮮甜美，最緊要我哋都喜歡爽脆口感嘅肉質，對味!。
其實我哋有叫咗法式焗田螺一時嘴快食完先醒起唔記得影相，牛油同蒜味濃郁配上鮮嫩螺肉，一流。
Moules Marinieres
$195
38 瀏覽
0 讚好
0 留言
另一Signature item係法式白酒忌廉煮青口配蒜蓉蛋黃醬•薯條。一如平常好味道，不過如果忌廉汁再濃厚少少，我會更喜歡。
U.S. Black Angus Rib-Eye (280g)
49 瀏覽
0 讚好
0 留言
主菜叫咗美國安格斯肉眼in medium配鵝肝，side dish揀咗西餐我最愛嘅菠菜同朋友指定嘅雜菌。普通美國肉眼扒味道冇上次Dry age steak咁霸道，肉質軟滑令朋友讚口不絕。我個人對重口味接受程度較高，兩間餐廳牛扒各有不同特色，只要冇過多調味都可以。
訂座時如果有Special Occasion要求可以預先通知餐廳，甜點寫上祝福字句呢啲基本嘢梗做得到。不過餐廳冇蛋糕西餅，只有蘋果撻，梳乎厘，Cream Burlee等甜品。我自己去附近酒店買咗個Oreo Cheese Cake同朋友慶祝生日，結果飽到呢......。
總括嚟講最近去太古坊食過嘅兩間餐廳都藉得一去再去嘅，就希望餐廳能適時轉換吓餐點內容，令我哋一衆回頭食客可以有更多理由繼續幫襯啦!
張貼
