ZAKS (已結業)

上回於SAKS吃午飯，於室外邊吃邊享受陽光海景。今趟擇座於室內，自成一角，可舒適地享用晚膳，暢所欲言。前菜選了常吃的Caesar Salad，因選材製作簡單，所用配菜新鮮翠綠已合符理想。暢談間以French Fries及Nachos作小食最好不過。French Fries剛炸起便端來，入口盪嘴，香口好吃。ZAKS Nachos和薯條一樣，口感同樣香脆，配上Mozzarella Cheese及Sour Cream來吃，味道更佳。怕熱氣的朋友，來一杯啤酒或Mango Smoothies，頓時熱氣全消。主菜以Carribean Chicken為始，雞胸配上燒烤製法，肉質實在有點鞋口，不作推介。接下來的是意粉時間，一紅一白兩款選擇。Spaghetti Bolognaise 以牛肉入饌，配上鮮蕃茄汁，味道濃烈得來又帶點醒胃。Pasta Porcini的蘑菇忌廉汁味道香口濃郁，並泛著淡淡菌香，配上細滑天使麵，屬全晚較佳的主菜。最後來的主菜是ZAKS House Specials Pizza，主要餡料有火腿、辣肉腸、菠蘿等，雖是薄批底，但口感不夠鬆脆，加上味道不見突出，只屬一般之作。

睇食評見到ZAKS有好野食, 又有煙花睇, 價錢又唔係貴. 所以為左黎呢間餐廳, 特意安排左個愉景灣之旅. 可以話係專門為ZAKS而設既行程.睇食評話要一早訂枱先可以要到睇到煙花既枱, 所以我兩三個星期之前已經打定電話去book枱. 點知真係去嗰個星期勁大雨, 咁大雨都驚睇唔到煙花, 所以唯有推遲一個星期啦. 問佢可唔可以俾番張可以睇到煙花既枱我. 但係因為之前都有人book左枱, 所以佢都話只可以盡量安排. 嗰日我哋係欣澳搭專巴入到愉景灣.... 雖然由鬧市入黎既時間唔係要好耐, 但係相對出面既繁華, 呢到顯得好寧靜. 呢個都有個沙灘, 不過唔會迫滿晒人. 感覺好寫意囉. 雖然呢到無咩地方可以行, 不過見到都有幾多吸引人既食肆. 不過我入到去都已經4點幾, 又book左訂7點. 所以都忍佢~~~ 6點幾開始落雨, 決定都係早d黎睇下自己坐咩位先.6點幾入到去其實都見到好多人入座, 最後我哋被安排坐係對住落地玻璃既對面.... 即係唔係靠窗, 但係一抬高頭就見到落到玻璃既位. 無計啦, 鬼叫上個星期落雨咩. 一坐低, 睇左一陣餐牌, 我都係決定叫番大家suggest既野食.zaks n

佢哋個Pasta Porcini 真係值得一試, 好creamy, 味道材料用得啱啱好, 份量都唔細, 可以話幾多. 另外叫咗個青口, rocket 菜沙律同一支白酒, 沙律上面有幾片燒過o既南瓜, 又淋又甜, 好好食. 加埋佢個咁開揚o既環境, 幾啱去慶祝, 我諗weekend 去食個brunch 都幾舒服.

情人節同老婆黎過，即使大時大節大批製作既食物都有返咁上下水準就o係8月底再同老婆黎慶祝紀念日，真係無令我地失望我地叫左︰Pasta Porcini、baby back ribs、chocolate sundaePasta Porcini︰好香，份量好大，個人覺得咸左D，老婆話好好食 Baby back ribs︰Baby版都好大份...omg...叫再大份d我地一定食唔哂=p 個汁好開胃好好食，雖然貴左D但一定要食呢個!食完兩個主菜之後其實仲未飽，但見佢其他野份量又太大，驚再叫食唔哂於是就叫返個甜品~叫左個有brownie既chocolate sundae，都係好大杯-_-0所以食完就飽哂XD食夠200錢又會送船飛返中環，都幾方便其實~不過訂左table要早d到，唔係d window seat無哂~

要鼓勵一下不如意的我，男友訂了這裡和我晚餐。可是訂位時侍應不能confirm有窗口位，我倆都是早一點來好了。幸好早來了，可以坐在窗口位，感覺比較寬敞。有很多食物都想點，無耐是不餓，只好點兩個︰baby back ribs($110) and pasta porcini ($95)。人不多，等了一會就送上食物了，而且是兩個一齊送上，陣容鼎盛，份量絕對不少。先試ribs，肉質很腍，而又澆上很惹味，酸酸甜甜的醬汁，很好吃。如果嫌味道不夠，還可以蘸附送的醬，有點辣辣的，很開胃。可是份量實在太大，最後男友竟然要放棄了。pasta porcini︰這個是angle hair，其實平時我是極少主動吃天使麵的，因為比較幼身，沒甚麼嚼勁。不過選這個主要是看到醬汁creamy，又有basil，覺得味道會不錯。吃下去也覺得自己的判斷沒錯，既creamy又有陣陣植物香氣，麵條又不會腍腍的沒咬口，讚﹗縱使份量不少都可以清碟﹗人少時真的不錯，其後人愈來愈多，就覺得有點嘈雜了。不過我們吃完也不趕客，也許是太多人沒空理我們吧？不過今天確實開心，也希望今後也如此。