Athletic Juice & Espresso Bar (已結業)

早前有個週末，好姊妹約我走到灣仔星街的咖啡店 Athletic Juice & Espresso Bar 來個 light lunch！ 店子鄰近金鐘太古廣場3 期，對面是名車林寶堅尼專門店！店內有些少位置以便食客堂食，卻是店子地方太淺窄嘞！如果要找個好坐的座位，恐怕要等上半小時！若果不太介意，就可以坐在店子落地玻璃附近的木椅子吧！ 不論什麼季節幫襯都好，店內總會備有加入檸檬、青瓜及薄荷葉的清水，好讓食客先清一清味蕾！相當周到！此外，值得一提的是細小的店子，供應差電，十分周到 x2！店方除了主打咖啡之外，還有，果汁、Smoothie、包點、蛋糕...等！ 供應的飲品及美食，已比預期多元化！  每期都會有不同新飲品！充滿特色之餘，又可帶給食客新鮮感呢！ 外賣咖啡亦有不同 size 之分！牛油果是這咖啡店的皇牌！ 可見牛油果真的巨型！身為牛油果的好姊妹，一聽見這裡供應牛油果牛奶咖啡，真是不得了！ (對眼也變了心心眼！) 最近踏入初夏再幫襯，還有牛油果奶昔！以價位來說，店方的特色咖啡略貴，但相比咖啡連鎖店其不公平貿易的話，加上地段、人工、雜費...等，這裡貴得來情有可原！  Phoenix

今日午餐來到星街, 同事介紹飲品店, 果汁有自己一套組合, 而且有一款特色牛油果咖啡, 今日lunch終於來到朝聖!入到鋪頭, menu帶出的果汁飲品的功效超吸引!再細看推介的咖啡, 鎖定目標我地要點Avolatte 和Phoenix Latte!鳳凰latte 係一款口味較少見的咖啡。成份有比較少用的蜜蘆卡，薑，味道有少少辣。而畫花的圖案-鳳凰，用上粉紅色，畫得超靚。Avolatte, 用原隻牛油果做杯身, 盛載住咖啡, 杯底墊上牛油果肉。咖啡香濃, 配上牛油果肉軟滑, 味覺超滿足有飽肚!另外配了兩款輕食, Ham and Cheese Sandwish 和 Acai Bowl. Ham and Cheese Sandwish 落單後即製, 麵包烘得乾身脆口。Acai Bowl 配搭清新, 配上咖啡, 絕對係健康午餐之選!

約左朋友去PMQ睇文字展，估唔到都幾有趣喎，字嘅演變到造型唔了解都唔知咁多。睇完又周圍行下發現左呢間街角小店，主打文青風配上健康飲品，創出一番新風味。牛油果咖啡。以原個牛油果起肉再倒入LATTE，單單造型已經加滿分。咖啡味香滑，飲時溶入左牛油果嘅果脂，味道更豐富淳厚。果肉都無一點浪費，打成蓉後墊在咖啡之下，一來方便固定及造型，二來可以一啖咖啡一啖牛油果肉咁輪住食，以油分令咖啡嘅甘澀味大大減輕。加$18可以配多個酥皮包／曲奇，配成一SET咁慢慢嘆。酥皮包入面嘅係榛子醬，配合咖啡味道一流。另一款鳳凰ＬＡＴＴＥ，入口更順滑。以紅菜頭糖漿做成嘅拉花圖案睇又飲得，入口又無蜜糖咁濃郁，而係淡淡嘅甘香味散發出黎。以味道而言覺得高分過牛油果咖啡。呢度麻雀雖小但五臟俱全，仲提供埋充電線使用，幾貼心。小店雖小但選擇都幾多，店內仲有各款咖啡豆選購，飲啱口味仲可以買返屋企繼續嘆。另一主打鮮製水果飲品及季節限定飲品都好吸引，下次可以再來一嚐滋味。望住林寶堅尼嘆咖啡，都係幾唔錯嘅享受。

咖啡生活我喜歡，咖啡香味我鍾意，但我更加欣賞創意，今時今日做生意必需出奇制勝，若非如此，邊會有人識得你？ 星期日的中午，吸引我專誠來到星街，就是為了這一杯 Avolatte！ 牛油果與拿鐵的組合，想得出真有諗頭，但聽落又會覺得佢哋夾，質感幼滑的牛油果與牛奶，本來非我族類，但大家有類似的口感，配咖啡應該都會令其更加香滑。 不過， Avolatte 並非以牛油果調咖啡，只是把 latte 放進牛油果殻內，配牛油果肉同吃，正如所說，食落覺得唔會唔夾，而且牛油果會令人飽飽地，取代多士或麵包，是一份更加健康的輕食。 話雖如此我是為食之人，還是要配片香蕉蛋糕吃，新鮮軟熟足料，水準不錯。 同伴要了一杯 Phoenix Latte，外型同樣吸引，外表似牛奶，其實咖啡在底部，好學的我自然請教咖啡師，原來做這杯 Latte，與一般的牛奶咖啡比例一樣，唯一不同是次序倒轉，倒進牛奶之後才落咖啡，紅色的拉花就利用紅菜頭汁及薑汁。 話說過來咖啡味道沒有怎樣，但就是因為吸睛，喝得就是開心，而且在這裏嘆咖啡，附加價值是可以同時欣賞對面的跑車，絕對賞心悅目！