Loooop (已結業)

呢個雪糕店係Halloween又推出左夜間限定嘅螢光雪糕，不過我就真係唔會再試喇！之前係呢頭附近見完客，見到Poster啲雪糕賣相幾靚，就去買個試下。排到去order時，得反pool 排左成3.4個字，咪買杯試下！店員問我要唔要食得紙，要埋囉，即管睇下係咩家科！店舖好細，有個bar枱，但只夠4個人用，好好彩我拎完雪糕，咁岩有人走，我就有個位。上面有個大大粒嘅綿花糖，得糖味同燶味 而雪糕上面戈3個動物(企鵝、海獅、海豚)同杯出面嘅紙，就係食得架喇，但係一啲味都無，口感好似食左啲麵包底紙咁  Blue Moon Icecream就有好淡波子汽水嘅味，無咩特別！最後要講係曲奇杯略為厚同硬，難咬之如食完仲好口渴。對我呢啲大叔黎講真係食一次就夠哂！

今日愛麗絲好開心，因為佢終於食到佢好想食好耐既紙藝雪糕，聽聞係連包住雪糕既招紙都可以食埋落肚，好似好得意咁😍 同小新去左大坑玩既呢一日，愛麗絲點都把握機會要食Loooop呢間雪糕店😍企係舖頭外，已經會俾佢既裝潢吸引，主要以粉紅丶湖水綠同金色為主，帶有西式復古既味道。愛麗絲急不可待，拉左小新入去，點左杯POOL，係藍月雪糕 (即係藍色既雲呢拿雪糕😂) 配香烤棉花糖，雪糕上插滿唔同海洋動物既紙牌公仔，所以係一杯以海洋為主題既雪糕，原價就$45，要埋食紙配飾就係$50，一場泥到，梗係要試下食紙啦😂首先，個雪糕好滑，味道就冇乜特別，只係個雪糕係藍色特別靚😂 而雪糕上會有乳酪脆粒，不過就有點兒太酸😳 至於個杯就係牛油味既，不過食到底就會有啲硬咬唔到。另外就係舊棉花糖喇，店員係即是用火槍燒既，不過唔知係咪啲棉花糖本來係雪係雪櫃，就算燒一燒佢，咬落口都唔會有一絲絲，痴lup lup既感覺，唔係BBQ個啲口感😂 反而係好似普通棉花糖，只係有少少香烤味。最後係啲紙喇，雪糕上既動物紙牌同包住雪糕既招紙都食得既，不過就冇味既，但都幾得意，係Loooop雪糕既特色。雖然Loooop既雪糕味道唔係話特別好食，但

食完晚飯大概8:30到啦，去到原本打算叫一個xoxo,一個pool點知xoxo賣哂，得翻pool同zoo, 咁我地唯有叫一個pool同zoo啦店舖都幾細，只冇企位，大概可以企到6個客人到啦，首先係pool泥到先，個樣係好靚好吸引，拿拿林影好相之後就試左啖雪糕先, 食落去味道有啲似波子汽水味，雪糕上有啲白色粒粒，脆脆的酸酸的，幾過引。再試下雪糕上架公仔，係米紙泥既，冇味的，而燒到有點微焦的棉花糖我覺得麻麻地好食。 最後試隻杯同杯張紙，杯係牛油味曲奇，好似林左咁，吾脆既，張紙都係冇味既。而zoo架雪糕係雲呢拿雪糕，味道就冇咩特別，反而覺得個沾滿左朱古力醬架cone都幾吾錯，朱古力醬味道夠濃cone好脆！杯係咖啡味曲奇，呢個曲奇就正常冇林到，脆脆的，好味過pool隻杯。整體泥講個樣係好靚，但味道就一般啦雪糕溶得好快。下次要試埋個xoxo先得因為實在太靚

係正式開幕果日黎左食😍黎到一試呢個可以成杯都食哂既雪糕試左呢杯售價$50既pool用牛油曲奇杯載住藍色既藍月雪糕，雪糕上面更有可食用既海洋生物紙飾，再插上一支香烤棉花糖藍月雪糕原來係小店自己調製既獨特口味，我覺得佢似波子汽水味😋加埋乳酪脆粒一齊食，酸酸的香烤棉花糖唔似bbq果種燒棉花糖味架，呢隻只有甜味，質感林林的 個人不太喜歡雪糕比較快溶，要影相就要快手d啦全店暫時有5款產品，下次試下牛奶味既雪糕先😋