Prime Pho

營業中

休息中

邊行邊懷疑人生，點解可以咁偏遠隱蔽，但係自己搵既無得怨🤪假日兩點幾去到，原來佔地咁闊落，但係吉既矮檯只係得返一張，其餘都係吧檯，想必定係好食吧🥹▪️ Prime Pho（8/10）+ 特式奶茶（7.5/10）💲118 + 9呢碗野真係超級足料，有好多唔同部位既牛🐮上檯色澤一律好粉，生牛肉幾軟嫩，牛腩片同牛展亦都好腍身，牛脷大片到我直情覺得自己同隻牛錫緊，全部牛味十足😎牛筋保留左滿滿既膠質，牛柏葉又爽口，舊巨型牛尾就交左比對面位清道夫🤭唯獨係牛丸相比下會遜色一點，比較細粒缺乏彈性🐮另外仲有扎肉同埋清甜無渣既蘿蔔🥕河粉偏幼身但夠滑溜，牛骨湯底清澈唔油膩🥣▪️ 越式蝦餅滑蛋飯（7.5/10）💲98蝦餅偏薄脆身，炸皮味道有少少中式炸蟹鉗既影子，入口有蝦肉粒幾彈牙🤫個蛋大致嫩滑，仲有唔少蛋漿🥚伴碟既係薄荷葉椰菜蘋果沙律配椰奶薑蓉花生醬，薑味同花生醬味尤其濃烈，配搭清新可口幾特別🍎🔎 整體評分（7.5/10）

Weekend去開中環買野，順便食埋個lunch, 12點鬆d去到，因為太早冇咩人😜 menu好多款，我地兩個人叫左個Prime Pho同加左好幾款小食已經夠晒飽😂 ✨Prime Pho - 招牌河粉，勁多料，有我中意嘅牛脷，牛𦟌, 生牛肉，牛筋，牛腩片，蘿蔔，牛丸，牛柏葉，重點係個湯底好夠味，好正！！✨自家製雞肝醬蜜糖多士 - 好特別，第一次食雞肝醬，多士好脆，雞肝醬加埋蜜糖個配搭又唔錯~✨牛油雞翼 - 外脆內軟，勁惹味，食到唔夠喉😋✨越式炸春卷 - 好香口，用生菜包住食又係令一番風味，幾fresh, 令成件事冇咁漏~✨Avocado Milkshake - 好creamy幾好飲，唔會甜，我幾中意✨Lime Soda - 食越南野飲都幾啱，可以解渴又開胃！

呢間喺中環嘅 Prime Pho，一直都係湯姆至愛，雖然新鋪地點無舊鋪咁方便，但係水準依舊。招牌Pho特別 有齊生牛肉、牛腩、牛脷、牛根、牛丸、牛展、牛柏葉，用上 USDA Prime 牛肉，肉質嫩滑、肉味濃郁，牛骨湯加入白蘿蔔，自然清甜。真心 Brass Spoon 都要排第二！⁣⁣Hands down the best pho in Hong Kong!⁣ Their signature Prime Pho cam with USDA Prime grade raw beef, beef brisket, ox tongue, beef tendons, tripe, and beef balls... The soup was cooked with beef bones and radish - super flavourful!