Street Meat (已結業)

同朋友在中環一帶閒逛，蕩下蕩下想搵個地方坐低飲杯野同食小小野，無意中見到個Banner幾吸引，於是就入左黎試。店舖主題係紐約鐵路站，連餐牌都設計成鐵路路線圖，玩味十足！我Order左杯Lothair，大吉嶺茶中帶有淡淡果味同辛辣感的伏特加，飲落好rich，味道好獨特。呢度招牌菜之一係Ramen Burger，聽落幾得意，所以就叫左呢樣。坐喺bar枱既好處就係可以睇住廚師step by step炮製呢度菜，首先佢將韓國拉麵炸成麵球，之後入面夾住牛肉同泡菜，就好似將一碗韓式牛肉拉麵化身為漢堡，感覺好神奇！試下味先……外層拉麵炸得酥脆，牛肉都算多汁、泡菜香辣，成件事幾夾，估唔到喺美式餐廳食到韓式出品，真係big surprise！