MR & MRS FOX

餐廳有3層，有lift搭，上面有balcony，個view好正。Happy Hour，可以坐門口位置有幾張枱，可以飲下酒，吸煙人士可享受一下，環境舒適，兩旁有綠葉包圍，唔會有坐街邊既感覺。員工熱情招待，飲品同食物都出得好快，唔需要等好耐。食物今次只叫左幾樣，因為今晚主要飲酒吹水為主有個duck pizza唔記得影相。牛扒唔係冧爆果種質地，有咬口，重牛味，記得食埋個燒蒜頭，好入味。呢度都幾爆場，6至7點鐘開始多人，8點全場爆哂，星期二喎！大部份人都係飲酒傾計為主，晚餐都會去樓上。

Happy Dinning 🦊 第一回。”What Does the FOX Say！？” 今次小編就係因為被餐廳既命吸引前來拜訪！睇下尼一對狐狸夫婦能夠如何演繹食物與味覺既野性🦊。餐包分為幾個口味，有鹹有淡，有牛油味又有香蒜味，其中已香蒜味略勝一籌🥖🥨🍞🥯。La Provence Beef Tartare本來小編都有點擔心食一d 咁生既嘢，因為過往經歷令小編比較怕腥，但當第一淡放入口，改寫左小編既觀感！！醬料微微既酸辣，配搭小量parsley，再加上刺激十足既芥末，令整道菜既層次感大升，味道清新又醒胃🥩🐂雖然前菜已食左好多包，但都唔放過旁邊既麵包同牛骨髓，味道配搭起來充滿新意同鮮味😋。Rib Eye作為一名牛魔王，點可以放過尼一道菜！！小編一如既往地挑選medium rare，因為自小就沈迷Gordon Ramsay既關係，對於尼一種熟度情有獨鍾！😆 「Salt and Pepper」既份量控制得相當好，加上半隻蒜頭同牛油烹調手法，提升左味蕾既享受🥩🐂。

今日係漫長假期嘅第二日,同時慶祝我工作咗x多年嘅一餐,呢一個早上,由於附近係商業區,餐廳唔見得多人。 環境同氣氛令我諗起歐洲旅行食過嘅小店,我哋被安排坐上層,環境好開揚。 呢盤麵包除咗黑色嗰個之外,其餘嗰兩個都好脆好好味,配埋側邊嗰個黃色嘅牛油加啲鹽好香。落單嘅時候有啲混亂,大部分想食嘅如 pork 或者chicken都話冇,仲要西冷rib eye都冇,但又唔想揀mains咁單調,真係有啲掃興呀! 最後好奇怪又有番 rib eye。不過食物嘅質素可以令你之前嗰啲掃興感一掃而空。 呢塊肉眼好高質素,一啲都唔撕牙, 牛味濃,加一匙橙色嗰個醬,又好fresh喎,車厘茄爆汁鮮甜。 蒜頭一粒一粒"筆"出嚟食好軟身好滑,食咗大半塊肉眼嘅時候,就到以下呢一個出場喇!呢個M5嘅澳牛,用dry aged嘅方法去處理,不單止保留咗肉汁嘅鮮味,而且一啲牛嘅羶味都冇,脂肪分佈均勻,但係又冇肥膩感,記得喺澳洲食過嘅有啲唔同, 呢個嘅肉質更加鮮嫩, 而嗰邊位又略帶一啲肥膏, 但係入口即溶。 食完呢一碟再食返頭先嗰個肉眼,你會覺得肉眼失色咗。 有啲美中不足嘅就係因為實在太飽喇!冇得食佢嗰個甜品,失望! 唯有下次再嚟

女人開心要食好西，唔開心也要食好西，分手更要食好西！今次撇清所有MR，三個狐狸小姐過海黎鰂魚涌食牛扒。就在地鐵站撞到好朋友A: Where are you girls going?B: Mr & Mrs. Fox.A: Heard their steaks are really yum and Cocktails are nice as well.唔洗阿A講我地都知，因為雞尾酒同牛扒正正我地去拜訪既原因。今次仲用埋eatigo apps訂位，所有a la carte menu食物有六五折，不包飲品，慳左300幾蚊架！點菜無耐，店員就送上暖暖面包，全麥的特別有營養，食曬！有人話蠔壯陽呀ma，好就幫天下d哀男人食曬半打蠔。半打蠔已經夠味，什麼都唔洗加，蠔味淡淡帶海水味！整體新鮮，味道唔錯，係細隻左d遮......之後主角黎啦，叫左普通同dry aged比朋友試試分別。佢既牛扒都會跟車喱茄同燒蒜頭，薯條薯容要另加錢架。我地叫左個松露薯條，thick cut加松露沙律醬實掂(話時話，上星期在意大利番黎，個邊d truffle sauce超平，三四十蚊都有一樽)一睇其實都可以知道一分錢一分貨，d