影片
更多
2010-04-22
24 瀏覽
當日係秘書姐姐為小妹補道別.....所以佢哋BOOK咗呢道同我擦番一餐，一嚟佢哋知我為食，二嚟我想試一試呢度好耐....鑊鑊都BOOK唔到枱，可能係新開張，人人都新屎坑嘅關係吧(我都係同一心態...嘻!)，可能真係好興奮我嗰日早咗差唔多成半啦鐘到，去到向Reception小姐領位，事源當日有啲鬧肚子，我想先去洗手間再坐低....佢兩位都好有禮貌......帶我上廁所先再帶我入位。因為我一個人先入位，有一位應該係專服務我哋呢張枱嘅待應小姐不停團團轉咁介紹今日個lunch set....走埋嚟好幾次，好有壓逼感，不太好受。其實我張枱係BOOK咗8 人，個待應小姐如果做開服務性行業冇理由會咁囉....都不特止，當所有秘書姐姐開始陸續嚟到佢再向大家介紹，咁因為個set lunch可以選擇要跟自助頭盆或者係餐湯....咁大秘書就叫我出去自助頭盆位睇吓有咩食，點知嗰位待應小姐立刻加以打斷我哋，更用好睇唔起我哋嘅語氣仲加冇禮貌咁講咗一啲食物俾我哋聽....超差....咁好啦一行七人都一致叫咗set lunch跟自助頭盆而個主菜就係燒西冷，成枱人都order mid.只有我要mid. rare....
因為我一個人先入位，有一位應該係專服務我哋呢張枱嘅待應小姐不停團團轉咁介紹今日個lunch set....走埋嚟好幾次，好有壓逼感，不太好受。其實我張枱係BOOK咗8 人，個待應小姐如果做開服務性行業冇理由會咁囉....都不特止，當所有秘書姐姐開始陸續嚟到佢再向大家介紹，咁因為個set lunch可以選擇要跟自助頭盆或者係餐湯....咁大秘書就叫我出去自助頭盆位睇吓有咩食，點知嗰位待應小姐立刻加以打斷我哋，更用好睇唔起我哋嘅語氣仲加冇禮貌咁講咗一啲食物俾我哋聽....超差....
咁好啦一行七人都一致叫咗set lunch跟自助頭盆而個主菜就係燒西冷，成枱人都order mid.只有我要mid. rare....當個主菜一到時我向著旁邊秘書姐姐望過去，跟住個待應小姐立刻用啲充滿貶意嘅語氣咁話: 呢個唔係你架，因為我哋呢度嘅生熟度好足架!.......
咩事呀...我望吓啫...唔洗咁呀，所以服務方面我好唔滿意囉。
發完嚕蘇就講吓食物啦:
自助頭盆bar真係都幾多嘢選擇，小女子就推介啲cold cut啦...有parme ham、salami、roast beef等等....樣樣都質數唔錯...芝士大大舊任你批，不過味道一般....仲有好多pickle...當中介有雅枝竹，而沙律蔬菜都有好多款而新鮮，仲有唔少於4款唔同嘅沙律醬....真係好豐富。
主菜 - 燒西冷肉質嫩滑之餘仲好有肉味，而且都好juicy....配菜都有應有誠意..幾豐富有兩隻烚新薯等。
食物方面大家都有讚冇彈，而且都覺得食物水準同價錢成正比，只可惜當日嗰位待應姐姐會令我失去再光顧嘅動力，其實之前我都好想同男友大人去試吓個dinner buffet...不過就因為嗰位待應姐姐而令我止步.....
食物好高分...但係.服務就因為嗰位待應姐姐而扣晒分~~~所以亦都係只可以攞到OK評分嘅原因。
不過點都好.....十分之感謝一班秘書姐姐們以往關心同支持....同秘書姐姐們食呢餐...雖然呢餐飯有啲不快嘅服務經歷，但係如果exclude咗...都係好開心嘅......多謝你哋呀~~~~~
張貼
