WTF (已搬遷) 新店位置

星期四夜晚係銅鑼灣同朋友食完飯 諗住去飲杯嘢 行吓行吓見到一個好搶眼嘅招牌WTF 完全係我最近既感受 就毫不猶豫咁入咗去啦就算係星期四夜晚 呢間bar都幾full喎 好多外國人 好有氣氛 店員都好nice 當有客走左 會主動問洗唔洗調去另一張枱 等啲客唔洗搭枱坐我地揀左兩杯signature cocktailSilk Road隻杯好靚呀 入口好fresh 真係有淡淡菠蘿味上面仲有塊果乾 又幾好食架喎Smokey Robinson同樣有好多生果 飲落去好清新 比頭先個杯甜啲 更易入口 當中再加左啲cinnamon 估唔到都幾夾 一路飲仲可以一路食上面既mix berries飲飲下 仲有live music 連baby shark都改版到好有feel 氣氛咁好 決定同朋友坐多陣 飲多兩杯Draft PeroniYuzu Funny飲落去好似柚子蜜 如果唔係好飲得既 都應該會接受到呢杯好鍾意呢間bar既live music 係走舒服温柔路線 走既時候店員都會問下我地覺得點 岩唔岩口味 如果下次再飲野 都會想去返呢間

環境5分：正常酒吧格局，有高吧位又有普通餐枱位。樓面好高，有室外座位比人一邊飲嘢一邊抽煙，Ｄ位唔迫，可以畀五分。衛生5分：酒吧嚟講絕對非常衛生，洗手間男女共用，但非常乾淨。室外室內Ｄ枱面同地下都好乾淨，又有紙巾任用，可以畀五分。服務5分：Bartender後生有活力，同生面口或者係熟客仔都咁好傾。自我介紹完又會推介Ｄ雞尾酒，非常詳盡。飲到一半又會走過嚟問有乜意見，滿唔滿意，之後又叫我地星期五再嚟飲過，因為到時夜晚會有人唱live band，畀佢滿分！味道5分：1)      大大杯Peroni意大利生啤又凍又清爽。2)      Bartender力推杯絲綢之路雞尾酒有個精美圖騰酒杯，好靚。杯頂見到好多新鮮紅莓，黑莓同香橙，証明調酒真材實料，另外有塊血橙乾，好有特色同多元化。杯雞尾酒酒精唔濃，好重甜酸嘅熱情果同菠蘿味，好清新。3)      第二杯Smokey Robinson一樣有好多橙，紅莓，黑莓，另外仲加多舊楊桃，全部都好鮮甜，好好食。杯酒個煙味嚟自濃味嘅肉桂香，同個威士忌酒味好夾，誠意加效果足以畀滿分！抵食4分：歡樂時光有八折，每人百幾飲吹個幾鐘頭水，都算ＯＫ抵，可以畀四分。