PAN de PAIN Pancake & Sweets (K11購物藝術館)

營業中

休息中

難得有時間同朋友食野，就黎左想試好耐既PAN de PAIN食pancake平時經過都有好多人排隊，點知今日放工時間竟然唔洗等，直接入去～我地叫左兩個pancakes share，strawberry pancake同埋我最期待既梳乎厘pancake。梳乎厘pancake黎到已經覺得好香好吸引，果然無令我地失望！Pancake非常鬆軟，充滿住蛋香，加埋牛油同糖漿真係perfect match！好幸福的感覺～相反士多啤梨pancake就真係麻麻地，好普通。Pancake食落唔鬆軟，無咩口感，依個價錢($88)真係唔抵食......早知叫兩個梳乎厘pancake啦～下次再黎淨係食梳乎厘

依間souffle pancake想試咗好耐，但每次經過都大隊長龍，所以一直都未試，今日經過，見到條隊唔係太長，所以就排隊一嚐心願入得嚟，梗係叫souffle pancake啦，依度除咗一搬有嘅糖漿同cream之外，仲有一舊牛油，味道質感都係我鍾意，唔會太濕另外仲叫咗個french toast, 個toast面有薄薄嘅脆焦糖，外脆內軟，但我就嫌有少少過甜，toast仲跟埋個雲呢拿雪糕同生果另外，叫埋杯夏日特飲，好青新呀味道，環境，價錢，整體嚟講都係合格以上

女士一定係愛甜品既，食完晚飯，都一定要食埋個甜品先安落。士多啤梨pancake，對於女孩子泥講真係decorate得好靚。首先講下pancake，三層既pancake中間仲夾埋啲cream，一切落去其實都已經散哂，食得有點狼狽。個人中意啲pancake係實心，咁先至有飽肚既感覺。其次就講下啲cream，又係有成三層。中間果層好有士多啤梨味，好欣賞。不過有咁多cream，成個pancake食落去就好似食緊忌廉蛋糕.... 啲cream有點肥膩既感覺，不過好彩有新鮮士多啤梨中和返啲味道。再試下期待已久既souffle pancake，彈下彈下睇落都覺興奮。再配埋牛油同糖醬，味道同一般既pancake無異。食左第一啖，口感係好滑，不過同時都感覺食左好多空氣，就只有面同底層係有少少實心既感覺。成件事好新奇，不過就唔係好啱我口味喇....

自從食完另一間回味的人氣Souffle Pancake 之後，每次經過K11 見到 PAN de PAIN 都很想入去試吓，這間來自沖繩的人氣甜品店，主打日式空氣感鬆餅及特色拉花咖啡，相信質素一定有水準。今天假期，特意早D去排隊，10分鐘已可入坐，本人當然叫主打的Souffle pancake, 配 Detox Water Tropical。友人叫 All day Breakfast 配 Hot Latte 。不需10分鐘，Souffle pancake 已來到面前，急不及待，用刀切下去，已感不妙，pancake 質感不夠鬆軟，入口無溶化感覺，牛油香味及蛋香都差少少，加 Cream 一齊食口感會好D，價錢不算好貴，但無回味的感覺。Detox Water ，味道太簡單，無鮮果清香自家制無難度。友人order 左 All day Breakfast, 個 pancake 味道似麥記的Mc香餅，仲有少少不夠熟。若食材不提高水準，潮流一過，恐怕難以持久。

Fluffy pancake has become very hot recently. I finally got a chance to visit one of the popular places that serve fluffy pancakes while in Tsim Sha Tsui. As we were quite early, we didn't have to wait for a table. Looking at the menu disappointed me a little bit as there were only few choices. The only true fluffy pancake on the menu was the Souffle pancake. We also ordered another original Pan de Pain which was the signature dish to share between us both. The original Pan de Pain was slightly t

Pan de pain自開業之後就有唔少食家去幫佢宣傳，見佢講到係日本手做嘅鬆餅店，我同朋友有晚放工後都忍唔住去朝聖一下一去到門口見到個牌寫住逢星期一可享有８９折優惠呀！我哋去果日撞唔正都冇辦法啦～我哋被安排坐係面對住師傅烹飪嘅位置，可以直擊整個過程。小丸子最中意望住人煮野食架啦～我哋經過一番篩選後就分別嗌左３款甜品，無錯，我哋最中意食甜品當做正餐！Signature Strawberry Pancake睇外表真係好靚好吸引，外觀影相就加哂分啦不過食落我就覺得好一般，Pancake冇想像中咁鬆軟。如果佢加多一球雪糕，應該會好味好多，依家單靠cream同士多啤梨，有點兒drySouffle Pancake呢個疏乎厘pancake真係好好味，一放入口完成feel得到佢嘅蛋香味！好幸福嘅感覺～佢仲配以蜜糖同cream俾你，如果你想淨食souffle pancake嘅原味就唔建議你加啦Chocolate French Toast呢個有意外驚喜，冇諗過佢會好味過strawberry pancake勁多！佢個french toast係煎得剛剛好，上面仲加左朱古力醬同movenpick嘅雲呢拿雪糕！

✌終於比我唔使排隊就食到佢✌.(小妹我好怕要排隊等食👉 👈 )~.👄Souffle Pancake $68.👉我點左梳乎里班戟比自己梳乎下👸梳乎里班戟均勻甘漲起，綿綿軟軟，有陣蛋香，賣相吸引❤ 經過一輪#相機先食 佢都無變扁流氣，甜品師傅手勢睇得出唔錯👍.👉口感: 梳乎里其實無口感可言，咬落似食空氣💭💭所以呢，我覺得如果本身唔肚餓又想食點甜野既，呢個班戟就岩晒勒~ （又唔肥🐷😂）.

呢間新開無耐既日本pancake店人氣一直高企, Vi星期6既4點幾黎到, 足足排左個半中先入到, 其實店舖既座位都唔多, 所以要等咁耐~睇番menu, 有甜同咸既pancake,亦有french toast同sandwich, 聽人講呢度既野食好細份, 所以Vi就點左幾樣試下~分別點左Souffle pancake, Strawberry pancake, salmon n avocado pancake同埋Pan de pain French Toast, 飲品就要左Tropical Detox Water同green tea latte~原來souffle pancake分一round一round做, 如果要等下一round就要等成30分鐘, 好好彩Vi叫既時候仲有, 所以10分鐘唔洗就有得食了~一上枱見到震震下既souffle pancake已經好吸引, 店員提醒一定要盡快食先食到souffle既質感, 配左糖漿同牛油,一抬開果然好輕盈鬆軟, 食落好似空氣既質感, 好香蛋味, 好軟滑好味道!加埋糖漿甜甜地好正~o係香港無食過呢種質感既pancake, 不過太多空氣所以食完好似無

最近係IG見到好多關於呢間餐廳既POST，被食物賣相吸引，所以襯住星期六放假就去左試下！星期六大約7:00去到，冇預期中咁多人，等大約6張枱就入得，我冇認真計時，大約等左半個鐘la！坐低望左menu一陣都唔知揀咩好！一黎樣樣都好靚，二黎個價錢都偏貴（所以唔捨得叫好多好多款黎試haha）～最後揀左Pan de Pain同Souffle～大約等左25分鐘，Souffle大約等左40分鐘…其實都幾考耐性，去之前真係要做好慢慢等既心理準備！不過個環境幾舒服，同朋友傾住計笑住等，時間都幾易過既～Pan de Pain個賣相真係幾靚，但食落就有d失望…雖然口感唔錯，外脆內軟，但油味好重，幾乎蓋過個焦糖香甜味！Souffle個賣相同樣吸引！口感方面亦做得好好，軟綿綿，入口即溶！冇諗過梳乎厘可以唔洗用杯，以呢個外型上碟，更冇諗過佢外型望落唔鬆散，但口感會咁鬆軟！至於味道方面呢…一入口就覺得係種好熟悉既味道，諗左陣…係M記熱香餅既味道呀！整體黎講，食物賣相方面真係做得好好，同menu入面既圖片近乎一樣，值9分！味道方面就好一般，6分！價錢方面，如果睇埋份量，佢個訂價真係偏貴，值唔值就見人見智喇，6分！簡