PAN de PAIN Pancake & Sweets (K11購物藝術館)

營業中

休息中

這間位於k11的pancake 店數年前已吃過，那時候已很多人排隊，想不到到了今天，人潮仍是有增無減。這個賣相很吸引，有三層，pancake比較薄身和硬身，夾心的是士多啤梨cream，很綿很滑很邪惡。相比疏乎里的一款pancake，蛋味其實係較淡的，可能是凍吃的關係吧 其實我更喜歡以下的一款疏乎里pancake，這個是熱食的，一上枱就震騰騰，很吸睛空氣感十足，口感軟綿，濕潤，入口即散發陣陣蛋香，。肉桂配蘋果非常match，pancake再加上焦糖醬，又不會太甜，味道很夾。還有冰凍的雪糕，一口凍，一口熱，感覺大滿足。是日消費連加一 ，$201。

次次經過都要排隊咁濟，到底呢間係咪真係咁正！答案係等半個鐘係值得既，但係多過半個鐘就唔好啦！都未至於好食到要等咁耐！Strawberry pancake $88相信賣相就冇得輸架啦！幾多少女都係為相機食先黎，我都唔例外！haha!!!不過真係唔係得個樣！啲士多啤梨真係好甜！加埋個pancake 超軟棉棉！士多啤梨,pancake ,cream, 雪糕，4樣野一齊放入口！😋😋😋😋😋😋Soufflé Pancake $78 （右下角）呢個製作時間比較長，Pancake係超鬆軟個隻，之前都係日本食過呢隻質感！係一陣風既感覺！食完好似冇食過咁！但加埋糖漿同cream又覺得好正！好想食完再食！可惜只有兩件，同朋友一人一件！真係唔夠喉架！Mocha latte (Hot) $48 （左下角）果然針冇兩頭利，啲pancake太正！杯野杯即刻比下去！太甜啦！同埋唔夠熱，食完Pancake 飲已經凍左，不過佢都拉左個好cute既拉花加分！

呢間野曾經風靡一時我諗大部份中意食甜品既女士都聽過，但其實我對香港人開既日式野無乜太大期望，因為大部份都食唔返果個味道……但男朋友話佢同事極力推薦好食，佢自己又興致勃勃，咁就試下啦。下晝去到己經排哂長龍，最後入座都等左差唔多成個鐘，本身唔餓都等到餓MENU選擇唔多，得Frence Toast、Pancake同Souffle三樣選擇，有唔同口味，價錢偏貴，最後我地揀左原味既Souffle同Strawberry Pancake。上菜速度同等位時間成正比，等左我諗接近半個鐘先上枱Original Souffle $78賣相可以，表面煎成金黃色而且色澤均勻，份量較細。可惜一切開裡面唔係鬆軟既質感，而係好似未熟咁一pat pat，無咩蛋香，只係兩塊厚身加味道普通既pancake，質素對唔起價錢。側邊啲cream還好，唔會太甜太漏，比較輕身易入口，仲伴上糖漿自由配搭。Strawberry Pancake $88呢個無咁大落差，正常pancake味，但仲薄身過M記果啲。每層pancake之間都夾住士多啤梨cream同果肉，口感較豐富，但士多啤梨好酸唔新鮮伴碟既煉奶加分，為呢個酸多過甜既pancake

其實都開左好耐但每次經過仍然見到會好長龍所以每次都無機會食終於我朋友捉左我去食個靚甜品teaSoffule ($68)呢度既招牌pancake係日式既鬆芙厘 因為入面打左好多空氣好鬆軟好滑好好味食落去雖然其實只係m記pancake味但個動L超軟綿綿質地真係好正一入口就即溶 真心嗚呀終於明點解咁長龍另外仲嗌左Strawberry Pancake ($88)d士多啤梨好甜好新解同埋d cream再加埋pancake一齊食成個組合實在太好味一啖咁樣食 真係太幸福了兩款pancake都等左頗耐 不過都值得的同埋定價都頗貴 偶爾想氹自己開心既話都係好選擇

🚩Strawberry Signature Pancake啲士多啤梨好香好新鮮🍓🍓啲cream 打得好滑唔會太甜。🚩Crème brûlée Signature Pancake 啲焦糖燒得好脆，味道岩岩好唔會太甜，pancake夠厚，口感一流😋😋