影片
更多
2021-12-26
1583 瀏覽
悠閒的星期日，約了友人一行3人去Tea，講High Tea，去K11 Musea，都幾多選擇，不過冇BOOK之下就難D，多數都FULL晒，橫掂都係不如Afternoon Tea TEAROOM博下，日本人氣過江龍之一，想試好耐，去到又唔算好多人wo，等左20分鐘到入座。店子門面有售賣精品、茶具及小食，內堂面積頗大，裝修以木系為主，暖色燈光，感覺柔和舒適。MENU實在太可愛了~!第一次來到，梗係必試Afternoon Tea Set，3件/$168，4件/$188，見有8款口味的甜品，每款都好吸引，每人叫不同款式一齊些牙。除左甜品，都有熟食。Apple Ginger Tea，$78，清香的蘋果味，薑味唔算好重，不過飲落都有少許辣辣地。Sweet Fruit Tea(Hot)，$78，友人的。Afternoon Tea Set，4 kinds of sweets，$188，用藤籃盛載，充滿田園之感，同時好有野餐FEEL，甜品賣相吸品，而且都係細細件，唔怕食唔晒。Orange Earl Grey Shortcake，濃郁的朱古力味，同時有淡淡的伯爵茶香，配合醒神的橙香，味道有層次，難得朱古力
悠閒的星期日，約了友人一行3人去Tea，講High Tea，去K11 Musea，都幾多選擇，不過冇BOOK之下就難D，多數都FULL晒，橫掂都係不如Afternoon Tea TEAROOM博下，日本人氣過江龍之一，想試好耐，去到又唔算好多人wo，等左20分鐘到入座。
店子門面有售賣精品、茶具及小食，內堂面積頗大，裝修以木系為主，暖色燈光，感覺柔和舒適。
MENU實在太可愛了~!
第一次來到，梗係必試Afternoon Tea Set，3件/$168，4件/$188，見有8款口味的甜品，每款都好吸引，每人叫不同款式一齊些牙。除左甜品，都有熟食。
Apple Ginger Tea，$78，清香的蘋果味，薑味唔算好重，不過飲落都有少許辣辣地。
Sweet Fruit Tea(Hot)，$78，友人的。
Afternoon Tea Set，4 kinds of sweets，$188，用藤籃盛載，充滿田園之感，同時好有野餐FEEL，甜品賣相吸品，而且都係細細件，唔怕食唔晒。
Orange Earl Grey Shortcake，濃郁的朱古力味，同時有淡淡的伯爵茶香，配合醒神的橙香，味道有層次，難得朱古力係唔太甜漏，正!
Apple Pie，餅皮酥脆，有濃郁蘋果味及肉桂香，配合軟滑的cream口感更豐富，美味。
Strawberry Shortcake，海綿蛋糕口感綿密，北海道忌廉香甜軟滑，面層的士多啤梨醬有粒粒果肉，味道酸酸甜甜，味道清新，甜而不膩，感覺輕盈，美味。
Strawberry Scone Shortcake，鬆餅口感鬆化，配上軟滑的忌廉及士多啤梨醬，口感豐富又好味。
Strawberry Yogurt Cream Parfait，冰涼的紅桑子雪葩，味道酸酸甜甜有果香味，Yogurt口感軟滑，清新又開胃。
Scone，來到就試下，口感比較硬，個人覺得普通。小清新之感的茶室，坐得幾舒服，服務態度有禮，下次有機試下熟食。
張貼
