壹小店 (已結業)

今日剛好係觀塘工廠區打算幫襯下黃店，行到牛頭角附近，就隨意入左一間cafe食返個Tea！但估唔到菜式非常高質😍，好耐都無遇過一D令回味既餐廳，所以馬上今日同大家share！好多Cafe都有得食All day breakfast，但呢度主要賣西班牙🇪🇸蛋餅、特色窩夫、burger, bagel, toast，menu比一般餐廳已經有特色👍🏻！難得有少見既西班牙蛋餅，當然要試試！餅底有炒香煙肉、甜椒同洋蔥🧅，一粒粒薯仔🥔食落非常有口感！蛋餅質感比水蛋結實，但食落口感軟滑。蛋餅食落比一般蛋糕更香，相信係因為蛋汁落左忌廉，而表面有芝士🧀。經烤焗後香味更豐富，而表面炒炒脆口，可做到微微拉絲效果！唔好睇佢細細份，因為佢都幾足料，所以都係飽肚，可以當lunch食！咖啡就叫左一杯T Black，即是將可樂同expresso加到杯中。飲落去，先有可樂甜味，之後就有expresso既☕豆香味。因為杯中有咖啡啫哩，每吸到一粒啫哩，咖啡就更濃郁，比一般咖啡，味道真好特別！呢大半年香港經歷左唔少風風雨雨，餐廳都一一為大家深深紀錄，而餐廳亦有防疫物質出售，真係做到同香港人同行，真覺得好窩心！餐廳食物高質素外，員工