影片
更多
2022-04-24
421 瀏覽
今晚其實同朋友一行六人，喺佐敦吳松街大牌檔食緊飯嘅時候發現中咗伏，飲完三枝啤酒食咗少少野馬上決定轉場，喺手機Google 發現附近一帶有唔少印度菜館，即刻上OpenRice 搵舔舔脷最高果間，就發現「咖喱葉」一枝獨秀有三佰幾舔舔脷，大家二話不說即刻馬上埋單走人🤣「咖喱葉」隱藏喺茂林街裏面，係一間有兩層嘅小店，因為唔喺大街所以相當唔起眼，我相信去得幫襯嘅都係識途老馬，或者好似我哋咁喺OpenRice上邊搵😅由於樓下已經滿座，我哋被安排坐二樓，上面冇人只得我哋，但係食下食下好快已經坐滿，仲幾多係印度人，質素可想而之😉，由於之前食咗少少野，所以我哋先點啲印度啤酒及小食慢慢開始，由於味道太正，跟住就越點越多😅🔻Kingfisher Beer🔻Mutton Samosa印度咖喱角真係好有佢特式，用薯仔蓉加面粉印度香草等材料做成粉團，再加入免治肉碎做成隻隻漲卜卜樣子，炸完好香脆，裡面羊肉又好有羊臊味，加上個類似梅醬一齊食非常好味，送啤酒一流👍🔻Tandoori Chicken 食印度菜幾乎必點，用香料及乳酪醃制成紅色係印度烤雞嘅特色，雞肉香嫩無比，底下嘅洋蔥更加好味😋🔻Butter Naan($2
「咖喱葉」隱藏喺茂林街裏面，係一間有兩層嘅小店，因為唔喺大街所以相當唔起眼，我相信去得幫襯嘅都係識途老馬，或者好似我哋咁喺OpenRice上邊搵😅
由於樓下已經滿座，我哋被安排坐二樓，上面冇人只得我哋，但係食下食下好快已經坐滿，仲幾多係印度人，質素可想而之😉，由於之前食咗少少野，所以我哋先點啲印度啤酒及小食慢慢開始，由於味道太正，跟住就越點越多😅
🔻Kingfisher Beer
🔻Mutton Samosa
Mutton Samosa
$40
33 瀏覽
0 讚好
0 留言
印度咖喱角真係好有佢特式，用薯仔蓉加面粉印度香草等材料做成粉團，再加入免治肉碎做成隻隻漲卜卜樣子，炸完好香脆，裡面羊肉又好有羊臊味，加上個類似梅醬一齊食非常好味，送啤酒一流👍
🔻Tandoori Chicken
Tandoori Chicken
$112
26 瀏覽
0 讚好
0 留言
食印度菜幾乎必點，用香料及乳酪醃制成紅色係印度烤雞嘅特色，雞肉香嫩無比，底下嘅洋蔥更加好味😋
🔻Butter Naan($24)/Mixed Vegetable Curry($80)
Butter Naan/Mixed Vegetable Curry
$104
25 瀏覽
1 讚好
0 留言
牛油烤餅即叫即烤非常香軟，配埋個素雜菜咖喱一齊食非常之夾，直程食唔停口😂😂
🔻Chicken Hydrebadi
Chicken Hydrebadi
$138
21 瀏覽
0 讚好
0 留言
喺Menu一見到呢個印度煲仔飯，就已經鎖定為目標，因為從來未試過食印度式煲仔飯，裡面其實都係傳統印度香料飯Biryani，長形狀嘅米加入大量香草、辣椒香料及雞肉煮成相當惹味，唔好睇佢好似細細兜，份量大兼且雞肉非常足料，配上個乳酪醬汁一齊食更加香😍
今晚呢個印度餐真係意外收穫，所謂塞翁失馬焉知非福，如果唔係之前個失敗大排檔，亦都唔會引發我哋搵到呢間印度菜餐廳，其實做人都唔使太執着，只要一切隨緣，有時柳暗花明又一村😂😂
BTW今日全程招呼我哋嘅印度哥哥非常非常有禮貌及恰到好處，抵讚👍
張貼
