The Butchers Club (已結業)

昨日食lunch叫嘅cheese burger唔達標，今晚又搵第二間鬼佬小店又食過。The Butchers Club嘅burger一向出色毋庸置疑，塊漢堡牛肉一咬落去爆汁嘅情況真係好誇張！加埋煙肉、芝士、酸瓜、厚切大蕃茄真係完美嘅classic配撘！可惜，也有令人極失望嘅地方，就係所謂嘅duck fat fries。半點鴨油香味都冇，而且完全唔脆𣺉pat pat ！！雖然佢有供應thin cut fries，但下次都係冇乜信心叫薯條。

未轉地點之前，已經想試，聽講之前有節目去果度介紹，我一向都追求juicy burger，都想走去試下，但有時有住期望去試，又未必係好事。果晚係佢地第一晚有酒牌，所以啤酒半價，朋友試左都ok，但我相反鍾意佢嘅厚切薯條，少少咸因爲有粗鹽黏住少少，我都好少機會可以食到厚切，枱面成支茄汁任「支」，岩晒我呢d鍾意食茄汁嘅人。講番個包，招牌係牛肉burger，朋友話好juicy，唔錯，而我叫左個雞包，份量好大，一啖都咬唔到咁多層，醬汁餡料好足，而且有d辣，主要賣點為返炸多次加辣醬，口感幾得意，但我覺得個包唔熱，如果可以「漢」一「漢」先上碟就好啦~~~