La Piazza (已搬遷) 新店位置

兩人點了一份晚市套餐及一些單點食物。套餐包前菜、主菜、甜品及飲品，首先送上蒜蓉包，香脆多蒜，好好食。前菜選了芒果炸軟殼蟹沙律大大隻軟殻蟹鬆軟非常香口。主菜是美國頂級肉眼扒（十二安土）老實說有點失望，可能是牛筋比較多，感覺有點韌，不過肉質整體頗有口感。反而配菜比主菜更出色，蔬菜蠻多包括西蘭花、茄子、蘆筍等，以及薯蓉幼滑，牛油味重，好Creamy！新鮮紐西蘭白酒煮青口青口充滿海水鮮味。帶子蘑菇香草汁扁意粉帶子有五隻，意粉條條沾滿醬汁非常彈牙，帶濃郁香草香。Almond Parfait 加入粒粒杏仁的自家制雪糕。Tiramisu

好耐以前每次去都大滿足，但近年自從老師傅 (?) 冇常駐餐廳後，食物質素好飄忽。唔知係因為咁定同區開咗另一同類餐廳，所以客流明顯少咗，露天位置以前近乎滿座，而家好多時連枱都唔set。全靠個汁所以都仲係好食，但雲吞同以前比有種說不出的不同。以前去親幾乎都有青口，啲青口大大隻啖啖肉，配埋個菜汁一流。近一兩年轉咗蛤或者蜆，用番同一款汁，價錢相同但份量差好遠（睇相便知，撇除個殼，嚿肉都差好遠），而且總有兩三隻有沙……牛扒質素唔錯，冇太多筋同肥膏。最鍾意啲薯角，熱辣辣脆卜卜 跟餐嘅 Tiramisu 質素最飄忽，以前恰到好處，但近年總係濕淋淋，似乎浸得太多咖啡了。總括嚟講，好懷念以前嘅質素同味道，那一天老師傅 (?) 返嚟就話我知啦

坑口村一向是在坑口邊緣位置，寧靜又有鄉郊風味的地方，自2004年開業以來，還是頭一遭光顧它。小小店子典型西式餐廳裝修，附半露天雅座，想不到要吃2輪，分別是6：30及8：30。我們分別點了羊架丶西冷丶沙樂美腸pizza及白酒煮青口，還開了一支Rugby大會指定品牌Whitecliff白酒一支，味道一般。最好味的是pizza,芝士味濃，青口巨型，略嫌鮮味不足。扒類肉質較實。但去到甜品就值得推介tiramisu , cream brûlée ,warm chocolate pudding都做待很好！店主黃皮白心，與客人打成一片，食食下掛起黑色暴雨警告，連流浪狗兒也進舖避雨，我們吃飽飽也逗留至九時多待雨勢稍減才離去。