The Point - Pizza & Pasta (The ONE)

營業中

休息中

知道呢間多人特登黎食龍蝦🦞，但我同男朋友都唔係特別好，所以嗌左pasta😂 是晚又係等男友放工之夜，8點幾 又突然想食蜆肉意粉（我真係好中意食lol)，諗起呢間食過兩次，就上左The one了。打打下先發覺我無影到蜆肉意粉😮‍💨🥺 咁無計啦好在小妹手筆都形容貼切栩栩如生😹我嗌左個香蒜辣椒白酒煮大蜆意粉。我呢就唔太食得辣，所以叫左小辣！呢碟意粉等左差唔多30分鐘先送上黎…餐廳都9成full,今日心情好 所以無咩野😮‍💨 大蜆都算比得多，碟意粉份量剛好，加埋香蒜同小辣 成碟好香口，會食完一淡再想繼續食。嗌左個黑松露芝士蛋黃醬薯條。就咁睇名都有啲邪惡。呢個薯條炸得好好食，唔點醬都好食！唔淋唔硬總之就係剛剛好！點埋個truffle醬 仲好食過點茄汁…男友嗌左呢個Mac & cheese 。雖然望落去有啲漏，但食左幾舊我覺得ok ，唔漏，入面有雞肉，但唔多。餐廳係有2人set,不過因為要硬點一個pizza,我哋唔想食所以就散叫了。 雖然上菜同埋單等得有啲耐，但服務員都好有禮貌，亦都會望到就幫refill水

今日想食薯條就入去食～Pizza本身係因為想食火箭菜就叫左Forest，點知上到黎係無火箭菜的有問個waiter呢個係咪就係forest，佢話係，所以都廢事追問啦，味道還好，有一粒粒大蒜頭喺上面，菇又夠，幾足料。美中不足真係無火箭菜。Truffle fries幾好味～Risotto飯幾好食，不過墨魚味唔算出，個青口好乾，但蜆就好juicy。Overall pretty good, 2個人lunch食400左右，好飽😆。

同好耐無見既朋友食飯，三個人最後拍板左去尖沙咀就腳既the point~ 差唔多7點到，仲可以walk in，不過要8點半離場～因為有一個朋友仲未到，先到既就先研究菜式。我地決定叫左野飲先～Red sangria 飲落都唔錯，不過朋友叫既Mango tango就...太似軟糖味喇...另一位朋友就叫左white sangria ，橙味比較突出，但因為我地試左mango tango隻味實在太難忘...所以之後飲咩都覺得可接受。終於講下佢既pizza,11吋既pesto chicken 都幾好食既，但我唔中意蒜頭，可以去掉就更好～其中一塊就已經有3大舊蒜，真係不了😢佢個蛋黃黑松露薯條(truffle fries),係真係雞蛋黃就咁放係邊，所以我建議唔中意食生野既撈左先食。而薯條後面係chicken lollipops ,6件細雞脾，辣醬最好食，必配個炸雞脾！最後上既係芝士龍蝦通粉（lobster mac),最好食但好細份～最後埋單加一後700頭，人均250有找。