Coffeelin (高街) (已結業)

今日黎到港島地鐵西延線之一既西營盤站，沿站外石階上行，黎到高街跟西邊街交界教堂對面，好容易就見到一間全薄荷綠色外觀既COFFEE SHOP。陰雨天的日子，最岩就係坐低飲杯熱騰騰既咖啡寧神充充電，跟濕淋淋煩惱既感覺SAY BYEBYE。推門步入Coffeelin，用餐座位唔算多，食客可以帶寵物一齊，整店感覺好親切！餐單選項不見得花巧，陳列架上展示出各類咖啡產品及書籍，即便自己對咖啡沒有研究，亦都可以靜心細嚐咖啡既魅力。手中既呢杯mocha，面層做出精緻拉花圖案，嚐第一口帶温感既奶泡咖啡特別香濃順滑暖心，過後朱古力味道突出仲有朱古力碎。咖啡緊係要趁熱飲啦!Misty Forest 係一杯冷泡可可殼茶加上espresso 調製出黎。可可殼好處多，含抗氧化元素、可可鹼、維他命、礦物質元素。仲可以改善浮腫，改善代謝，緩解便秘既功效。可可殼無苦澀味，清爽既口感平衡左espresso 濃厚既感覺！ Salami & porchetta pesto panini 將意大利面包壓烤成凹凸面，超鬆脆香口。烤豬肉薄片、莎樂美腸油脂融入芝士、青醬，咸香味更突出～Truffle mushroom panini

西營盤真係越來越多特色咖啡店, 最岩星期六日約埋1-2朋友係間咖啡店飲吓咖啡，食個包。輕輕鬆鬆咁enjoy 個weekend，仲可以帶🐩 好正呀Porchetta Panini 📍Panini 烘得好脆，一個簡單嘅火腿芝士意大利包，最岩就係襯返杯咖啡Truffle mushroom Panini 📍黑松露同磨菇呢個配搭真係點都無錯，好香好夠味，磨菇仲令佢多咗份口感Mocha 📍好重朱古力味 🍫 拉花畫得好靚，心情都好啲Affogato 📍有4種gelato 選擇，我地就選擇咗Salted caramel. 將espresso 倒落Gelato 入面，苦同甜混埋一齊，好滋味 ➡️ 睇吓我倒到😂😂

西營盤呢區，甚至西環一帶，雖然唔多到訪，但有時從飲食雜誌，或食友口中，都收到唔少有關呢區個性特色小店嘅消息。最近，到訪嘅「Coffeelin」就喺其中一家，店家嘅地址雖然標明晌高街，其實鋪位面向住大斜路嘅西邊街，對面仲有座小教堂，街上遊人唔多，有種小區悠閒嘅感覺。餐廳以綠色為主調，唔止鋪面以青綠為主，更襯以很多攀藤植物，驟眼所見，就連外賣嘅紙杯亦用上相近色系。而踏進餐廳內，則以綠白相襯，掛上少少植物作點綴，配以簡約嘅裝修，令整體環境予人感到輕鬆、舒服。再者，除近門口有一排吧位，走進裡面，座位亦唔太多，令空間感足，加上餐廳嘅樓底唔矮，唔會有侷促嘅感覺。此外，一邊牆畫上巨型彩繪，喺推開窗戶望出去似喺水都威尼斯嘅景色，畫功相當好，不過，如果再畫低啲，跟客人坐低時嘅視平線看齊嘅話，就更有種好似置身現場嘅視覺效果。如大多數咖啡店，都會兼營咖啡豆零售，晌度你都會見到有啲意大利品牌Griso嘅咖啡豆賣；仲有，下面仲擺放咗一啲咖啡嘅相關書藉或雜誌供客人閱讀，小弟就拎咗本「咖啡職人」嚟八吓，兼扮扮偽文青。店中所沖泡嘅咖啡就採用上述提及嘅兩種咖啡豆，從餐牌中，就詳細列出呢兩種豆嘅特性，以及來源地。而講到咖