Bonza! by Waffling Beans

營業中

休息中

即興搞左個南區一日遊，鴨脷洲環境幾樸素好有郊遊feel, 見到角落位有間cafe幾靚幾chill, 入左去食個all day brunch~ ✨Waffle Benedict - egg benedict食得多，呢個係用waffle做底，好特別同埋唔會咁快變淋身，睇住蛋汁流出嚟好治癒，餐廳仲好好可以揀一半係西班牙火腿，一半係煙三文魚，一次過試晒唔同配搭😻兩款都係正嘅！✨Truffle Carbonara with Buffalo Mozzarella - 面對有兩片水牛芝士同黑松露醬，撈均食好入味，我好鐘意佢個闊條麵，好有口感😋✨香草炸魚柳條 - 一咬開熱辣辣，裡面魚肉夠滑，名副其實嘅外脆內滑~✨Belgium Chocolate - 佢係熱溶朱古力，朱古力味好濃郁，層次感都幾豐富，面嗰層有奶泡同埋可可粉，分開飲同撈埋飲係兩個感覺👍✨Flat White - 幾鐘意佢香得嚟唔會太澀，反而係甘甘地😻食完又繼續周圍探索lu~

無幾耐之前留意到屋企附近有舖位圍板裝修，圍板上畫咗休閒嘆啡少女同埋狗狗，知道係doggie friendly餐廳，好吸引，超期待！等到佢開張咗，更鍾意係好有外國風，好想去...不過一直太忙，無時間去嘆啡磨爛蓆終於...比我試到啦...不過得一丁友，試唔到好多嘢食。食咗個Waffle Benedict、一杯flat white，遇著非繁忙時間仲玩包場，坐坐吓以為自己去咗西貢啲窩夫口感好有特色，睇清餐牌下邊啲細字，原來係自家製比利時窩夫。連埋蛋汁一齊食好正整體唔錯，咖啡同食物質素有誠意。坐得舒服，員工友善。可惜今日見唔到狗狗。希望下次有狗狗出現！（好耐無寫食評，見到有人寫得太差，覺得都唔係啫，心心不憤要寫翻啲真實感覺！）