白鬚旗艦店 (已結業)

入到西貢，無理由唔食餐主食先走，留意咗哩間好耐，終於食到一次☺️ 。『White Pine』$88第一次食yogurt bowl，覺得好好味呀！個底係香蕉沙冰上面鋪滿左芒果肉,香蕉肉.同埋granola；食之前其實有啲擔心唔夠飽，但原來食下食下，都幾豐富係有飽肚感⋯⋯『蔬菜餅』$42蔬菜餅比想像中油膩，點埋個醬比較適合⋯⋯『印尼雞湯粉』$65友人點嘅菜，我無食，唔知咩味，所以只係post張相。📍 白鬚旗艦店 (西貢)西貢灣景街9號地舖

假期入左西貢行下充下電, 行經籃球場發現一開貌似就開既餐廳就入左去試下.  首先講下裝修環境真係好唔錯, 以水泥同木為主好舒服, 室內共兩層. 樓下剛好有位, 就選擇坐低左, 因當日天晴, 回望門口方向, 突然有一刻覺得自己係旅行中好chill. 之後選擇好要咩就出去買飛點菜.第一樣係 印尼牛丸粉: 買相唔差, 先飲一啖湯, 感覺唔係味精野, 再試牛丸, 好唔似平時食到既牛丸, 口感有少少似入口即溶而且有牛味, 加上印尼辣椒醬好野味, 碗粉既份量都算大, 我相信一般人都好滿足之後再黎個甜品 White Pine: 主要係乳酪+菠蘿香蕉, 凍冰冰加上水果味好fresh, 一問之下完來乳酪係冇奶成份好適合素食者同奶類敏感人士食用.食完兩個野已經好飽.食完後, 走上樓上參觀, 發現好適合一班人聚, 有結他, 遊戲機, 但不確定可否租用...哈哈, 有機會搵地方玩時可試下打去問下.眼見整間鋪都由年輕人主理, 個個都滿帶笑容, 好有一團追夢既火.整體環境及食物而言, 小編覺得係一個非常唔錯假日好hea處, 想有一個兩小時旅行feel, 依度係一個好選擇, 而且食物唔會令你失望.