逸東軒

逸東軒閒日會有優惠，中午點心$38起，晚市就有8折，不過記得提早book位呀！有時平日都會有好多人！而假日就沒有優惠。環境空間大，枱與枱之間有距離，裝修優雅，具古典氣氛，適合同朋友或者屋企人休閒地飲茶，吹下水！脆皮流沙包🍞 $48外脆內軟，食落去包皮有脆香味，夠哂熱，咬落去有流沙既感覺，鹹蛋黃流沙，食到津津有味！帶子蒸燒賣🧆 $38帶子味道鮮甜，嫩滑爽口，再配上豬肉為主的燒賣餡料，彈口又有咬口。原隻鮑魚京蔥和牛酥🥧 $78上面有原隻鮑魚好大隻，炆得好淋，夠哂足料，而和牛碎和醬汁係酥皮中，食落口感豐富，帶有鮑魚嘅鮮甜，又有和牛的香味，必食！！😋XO醬炒蘿蔔糕🍴 $58炒得外層好香脆，又帶有XO醬微辣的香味，但仍保留蘿蔔糕的味道，不錯！蜂巢海鮮芋角🥠 $38外層好鬆脆，唔會話有好多炸粉同好油膩，內層有大大啖的芋頭蓉和芋頭小粒，好飽肚。逸東小籠包🍲 $48每個小籠包都有一隻匙羹裝住，非常方便食，一咬落去爆出滿滿既肉汁，好香好味！招牌叉燒腸🥢 $58腸粉皮嫩滑，夠哂簿，內面有叉燒碎、蔥，再配上甜豉油，令腸粉又香又滑。整體來講，環境空間一流，服務態度良好，閒日點心抵食，難怪被譽為米芝蓮一星，約朋

因為要清假.  所以決定嚟好多好評但平日限既逸東軒點心. 長話短說點心樣樣出色, 以樣樣38蚊嚟講真係超值. 只係人手有DD不足. 不過係而家既形勢嚟講都算可以接受. 最有印象係帶子賣, 蝦餃, 菜苗餃, 個皮做得好好, 餡料亦真材實料. 所以佢D腸粉都唔錯. 唯一可惜既係我得一個胃, 如果唔係我應該樣樣都想encore一次. 

想試逸東軒好耐，難得成功訂位，同屋企人請半日假都嚟食。訂左當日2:30pm，入座前都知4:00pm要還枱。餐廳內部裝潢精細有品味，並非一般酒樓格局，枱上的茶壺杯具都用心配襯，突顯風格。話明係點心下午茶，我地就主力試唔同點心既。最好味我認為係流心奶黃酥，忍唔住前後叫了２碟。叉燒腸粉都唔錯，另外鮮嫩唔「鞋」口的牛肉球都係有驚喜，不過食得太快所以影唔切相壓軸嗌左兩道貴菜，係屋企長輩指明要試，雖然稍貴，但係味道絕對值回票價。ＸＯ醬牛筋腩非常腍甜又咬口，調味亦好夠唔會過咸。荷葉飯香味四溢，份量十足，一行６人都食到半碗以上。６人用餐埋單大概1500元，我覺得非常值得，有機會想試埋佢既晚食呢

老實講我今次的經歷比上次真係差咗。上次去食晚餐。經歷真係太好了。所以對這間餐廳印象深刻。所以特意早點訂位去試這個人人讚好的早茶點心優惠。我在去之前都做了點功課。做完之後覺得好失望。因為已經唔係全部劃一都係$38，只係有一部分係$38。已經唔係太想點就點呀不是都好彩大部分我想食的東西都還在特價中。這都算係一點安慰。今日點選了以下這幾款點心：這四款都係$38蝦餃就比較失望。因為我食唔到筍絲。佢最多人讚嘅地方就係因為有筍絲。我食唔出嘅話其實同普通蝦餃係冇分別。不過佢大大個虾的確係好吸引。一籠四隻$38都算超值。燒賣就更加普通。普通嘅燒賣。上面有帶子，但賣相唔太靚。味道又唔係太濃。叉燒腸好值得一試。逸東軒嘅叉燒一直係佢最賣座嘅燒味之一。下午茶就冇得叫特價叉燒，所以只好叫叉燒腸試一試。最後點左一個XO醬炒蘿蔔糕。這個原價買接近$100的蘿蔔糕。今日這個價錢真係超抵食。加上它份量十足、又唔係太辣，這點已經加分了。不過今日服務員的態度就差點。竟然比我聽到有個侍應發脾氣。我都好明白可能因為人客多咗，工作量大增。但老實講如果有脾氣嘅都唔應該喺公眾地方發出嚟。這樣會影響到其他客人的。希望這位職員會從錯誤中

相信大家對逸東軒都唔陌生⭐️真正米豬蓮餐廳🐷🙈非常推介大家去食🙊服務又好👍🏻環境又舒適整體黎講絕對值得一試，因為限聚令同疫情關係，上次去係兩個人坐張四人枱，又闊落又舒服🕺🏼🥳服務好好

逸東軒 (佐敦)依然覺得呢個係近期最抵餐廳優惠😭佐敦逸東酒店中菜廳逸東軒繼續做緊優惠,逢星期一至五早上11時至下午3時,menu上30款點心劃一收費$38蚊。要留意嘅係逸東軒連續三年榮獲米芝蓮食府1星推介榮譽,所以話$38真係好抵食架😭。。🔘 XO醬炒蘿蔔糕 | 原價$95評分: 🌕🌕🌕🌕🌑評語: 廚師並非一味落XO醬將蘿蔔糕兜熟就算，因為咁樣做只會掩蓋左蘿蔔糕嘅味道。廚師應該有用其他辣味調味料,而避開用大量XO醬掩蓋蘿蔔糕嘅味道,鑊氣十足之餘,真真正正做到外脆內軟。。。 🔘 春風得意脆皮腸| 原價$68評分: 🌕🌕🌕🌕🌗評語: 豉油、麻醬、甜醬都係另上的,可以根據自己口味而作出調味。小編係落醬汁前先試一嚿,腸粉皮仲熱,內𥚃春卷都明顯係新鮮炸起再即刻製作拎去俾客人享用,大家要知道咁樣做唔難,但廚師需要好多時間逐次去烹調。春卷足料,腸粉皮薄而不爛,而小編認得落豉油調味已經足夠。。。🔘 合桃叉燒酥 | 原價$55評分: 🌕🌕🌕🌕🌑評語: 叉燒酥非常鬆化,咬落口,成個叉燒酥已經係口中溶化一樣,內層叉燒肥瘦各半,集味道同口感於一身,絕對有驚喜。。。🔘 蜂巢海鮮芋角| 原價$55評分: 🌕🌕🌕🌕

最近見到逸東軒推出一至五午市點心優惠，30幾款點心都係碟碟$38，難得最近平日得閒，一於試試呢一間連續四年獲得米芝蓮一星嘅食店！午市分別有11:00，12:45同14:30三個時段選擇，早一星期打電話book個陣，12:45時段已經冇哂位，而且店員話係冇預枱俾wall-in客人，大家記得早啲打電話去預訂啦！咁我地就book左14:30. 準時1430去到咁岩就開始入座, 環境都幾闊落, 坐得幾舒服. 總共叫左7樣點心. 鮮蝦腐皮卷 (唔記得影隻碟點心) 外脆內嫩, 有蝦味, 覺得呢一碟最好食.蝦餃燒賣就飲茶必叫既, 食落比普通酒樓既出色, 食得出食材係新鮮既, 但overall而言 就正正常常, 冇話突別驚豔. 黃金豆腐 就相對普通, 偏淡, 而豆腐味又冇話好出.XO醬炒蘿蔔糕 - 唔似其他酒樓炒咁落常見既XO醬 黎上色,  所以佢偏淡既色. 佢頂上會落少少XO醬, 本身蘿蔔糕就咁食都幾好食既, 夾埋XO醬一齊食就更加好味.表面炸過既奶黃包, 都幾好食. 外面脆皮, 入面有流沙. 唔錯. 但就油左少少.Overall而言, 2個人食左7碟 total 300蚊, 比一般酒樓出色, 但又

逸東軒貴為米芝蓮一星餐廳已好幾年，之前食過佢既晚市，今次就試下佢既點心環境不是平時酒樓好光猛那種，呢度燈光夠柔和，令人相當舒服XO醬炒蘿蔔糕蘿蔔糕煎得十分香脆，XO醬適中，不會太辣，一口蘿蔔糕食時亦都相當方便脆皮流沙包用上炸銀絲卷既方法整個落油鑊炸，加埋入面既流沙蛋黃，好香口香麻煎堆仔煎堆仔外脆內軟，炸得唔油膩，好食筍尖鮮蝦餃蝦爽口彈牙，皮不厚，不錯原隻鮮蝦蒸腸粉D蝦真係原隻上，仲要都幾大隻，新鮮好味帶子蒸燒賣呢款燒賣配搭出面較少有，帶子無老到，相信要唔同時間蒸先做到咁既效果，心機菜陳皮牛肉球平時牛肉球好少會食到陳皮既味道，陳皮既香有助去除牛肉既膻，味道幾夾麵醬蒸排骨排骨顏色偏粉紅，不過係熟晒既，麵醬蒸有種咸咸香香既味道豬脷蠔豉燒賣呢款相信是新年先有既點心，取其好意頭，味道同配搭都幾有新鮮感一星米芝蓮餐廳價錢算係十分平民，加上黃店點心餐廳真係不多，支持黃色經濟圈