天氣涼涼地，想食啲暖暖地嘅嘢。剛好有朋友邀約去食燒肉，我地見呢個餐都幾抵（$288/位），有齊10款燒肉，例如A5薩摩牛極上赤身、「4%の奇跡」霜降肉等等，款款都好高級，仲有燒肉我必叫嘅極上牛舌芯，口感少少彈牙，超正～而「辛口味噌漬牛腸」，上檯嘅時候我完全唔知佢係牛腸。店員話最後先燒，未食已經好期待究竟實際上係咩味！佢係偏向辛口，但唔真係辣嘅，口感上，好似韓燒嘅雞皮咁，口感滑一滑，再帶點「骨膠原」嘅感覺，真心好食！今次仲有壽喜燒風A5和牛丼飯，A5和牛好薄切，但撈埋蛋，個飯真係好好食！ - 香港尖沙咀的鞍下熟成肉