想要無敵大海景食飯，將軍澳海傍呢間“The Hunter”食地中海菜CP值好高，室外有一望無盡海景天際線，仲可以坐鞦韆位打卡。
“The Hunter”室外座位可以望無敵大海景，影相一流。
室內氣氛都好好㗎，有時仲會打開晒全部玻璃門變半開放式。
而且外籍大廚堅持全用飛機直送食材，特設Josper Grilled炭火烤爐、牛扒熟成櫃。嚟到一定必食炭燒牛扒呀，超厚切又肉味濃郁!!
自設熟成櫃。熟成牛扒經天然酵素自行分解，特別柔軟濃郁。
睇吓牛扒幾厚切!!
“The Hunter”主打嘅地中海菜好健康，當地人主要用天然香料、水果調味，同平時化學調味好唔同，特別食到海鮮、肉類嘅原始味㗎。
Salad | Hunter Garden
最估唔到係沙律都好出色，呢道Hunter Garden係招牌之一。員工會推出藍色餐車，喺你面前即席炮製!! 全部外國直送食材，有原種番茄、青瓜、羅馬生菜、蘿蔔、歐芹等，最後加埋脆麵包、自家製薄荷醬Fresh得嚟幾香口，成個用餐體驗都好圓滿呀。
員工會推出藍色餐車喺你面前即席炮製，用餐體驗好圓滿。
最後加埋脆麵包，Fresh得嚟幾香口。
Starter | Burrata
夏天嚟望海食個沙律都幾爽，身為芝士控必食Burrata。有原個布拉塔水牛芝士，一切開啲芝士慢慢流出嚟真係好療癒，連埋印加櫻桃蕃茄、士多啤梨一齊食幾清甜。
布拉塔水牛芝士沙律
一切開芝士會慢慢流出嚟，好療癒。
Burger | 黑安格斯牛肉漢堡
呢度嘅漢堡係用黑安格斯牛肉㗎!! 足足250克，一切開仲見到好多肉汁。特別用咗2種芝士—埃文達芝士、車打芝士，芝士味濃夠鹹香。個醬都好有記憶點，係煙燻紅洋蔥果醬同自家製漢堡醬。
黑安格斯牛肉漢堡，加咗2種芝士—埃文達芝士、車打芝士。
Mancini Pasta & Risotto | 蘑菇意大利飯
“The Hunter”好啱三五知己傾偈慢食，意大利飯就好啱一齊Share，再配啲海鮮、牛扒做主菜啱啱好。蘑菇燴飯鋪滿巴馬臣芝士好Creamy，仲有淡淡松露香。
蘑菇意大利飯鋪滿巴馬臣芝士，並有淡淡松露香。
Lobster Fra Diavolo
呢道辣番茄龍蝦意大利麵CP值好高!! 足足半隻龍蝦幾多肉，辣番茄醬微酸輕辣，夏天想食啲酸嘢開胃就啱喇。
辣番茄龍蝦意大利麵，有半隻龍蝦幾厚肉。
Main | Pan-Fried Salmon
呢度嘅海鮮好鮮甜，連三文魚都特別重魚味。而且魚皮煎到金黃色脆脆地，加埋法式白奶油醬一齊食更加嫩滑。
三文魚皮到金黃香脆，配白酒幾夾。
Grilled Lamb Cutlets
除咗牛扒，呢度其他肉扒都係Josper Grilled炭爐燒㗎。食羊嘅話可以揀炭烤澳洲羊扒伴煙燻茄子，肉味幾重，餘韻有啲羊味但唔羶，可以配埋魚子醬同薄荷油。
炭烤澳洲羊扒伴煙燻茄子，餘韻有羊味但唔羶。
Braised Lamb Shank
鍾意嫩啲、啖啖肉啲嘅話，可以揀燉澳洲羊膝。用叉輕輕一拮就已經肉骨分離，羊肉燉到好嫩㗎。
燉澳洲羊膝燴白腰豆，比羊扒更啖啖肉。
THE HUNTER
地址: 將軍澳唐賢街29號藍塘傲地下11號舖
電話: 23300204